Adal da básekelik negizde praımerız ótkizý bárimiz úshin mańyzdy

3358
Adyrna.kz Telegram

Bul týraly «Nur Otan» partııasy Tóraǵasynyń birinshi orynbasary Baýyrjan Baıbek Facebook jelisindegi óz paraqshasynda jazdy.

«Qurmetti dostar!
«Nur Otan» partııasynda 17 tamyz ben 3 qazan aralyǵynda praımerız ótkizý josparlanǵany belgili. Qazaqstannyń partııalyq-saıası damý tarıhynda alǵash ret ol jalpyrespýblıkalyq partııaishilik masshtabta ótedi. Bul partııamyzdyń «qaıta jańǵyrýynyń» jáne aldaǵy Májilis pen máslıhattarǵa saılaý naýqanyna daıyndyǵynyń qorytyndy kezeńderiniń biri.
Praımerızdiń negizgi maqsaty – partııalyq tizimderdi básekeli jáne aıqyn negizde qalyptastyrý. Nurotandyqtar elimizdiń barlyq aımaǵynda qoǵamnyń senimi men qoldaýyna ıe bolǵan bedeldi partııa kóshbasshylaryn ózderi anyqtaıdy.
Ókinishke qaraı, koronavırýs pandemııasy tyıylar emes jáne ómirimizdiń barlyq salasyna áser etip jatyr. Karantın jáne áleýmettik oqshaýlaný jaǵdaıynda biz qashyqtan jumys istep, ózara áreket etýge májbúrmiz. Mundaı jaǵdaı Qazaqstanda jáne álemde qashanǵa deıin sozylaryn eshkim de boljap aıta almaıdy.
Bul – ishki saıası proesterdi de osyǵan beıimdeýdi talap etetin jańa qubylys. Sebebi barlyǵymyz úshin negizgi basymdyq – azamattarymyzdyń densaýlyǵy.
Osyǵan baılanysty biz partııa Tóraǵasy, Elbasy Nursultan Ábishuly Nazarbaevtyń tapsyrmasy boıynsha partııaishilik saılaýda onlaın-formatta daýys berý mehanızmin pysyqtadyq. Saıası Keńes músheleri Praımerız ótkizý erejesine engizilgen tıisti tolyqtyrýdy syrttaı daýys berý arqyly qoldady.
Ózderińiz biletindeı, partııa qyzmetin ıfrlandyrý boıynsha júıeli jumystar 2014 jyldan-aq bastalǵan bolatyn. «Nur Otan» elimizde alǵashqy bolyp «Elektrondy partııa» aýqymdy jobasyn iske asyrýǵa kiristi. Partııanyń ortalyqtandyrylǵan derekter bazasy, onlaın qoǵamdyq qabyldaýy, veb-portaly jasalyp, messendjerler men áleýmettik jeliler arqyly jańa kommýnıkaııa arnalary engizildi.
Jańa ıfrlyq múmkindikterdi halyq ta qarqyndy qoldanyp jatyr. Karantın engizilgen sátten bastap partııaǵa onlaın júginýshiler sany 5,3 ese, onyń ishinde Facebook pen Instagram arqyly – 17,5 ese, al Whatsapp boıynsha – 9,5 esege artty. Partııanyń qoǵamdyq qabyldaýyna birinshi jartyjyldyqta 224,1 myń adam habarlasty. Bul ótken jylmen salystyrǵanda 3,6 esege ósken. Osy máselelerdiń kóbi sheshildi jáne birqatary partııa baqylaýynda.
«Elektrondy partııa» jobasy «Praımerız» aqparattyq júıesin ázirleýge negiz boldy. Ol veb-portal men mobıldi qosymshadan turady. Bul rette biz sheteldik ozyq tájirıbelerdi zerttep, tıisinshe qoldandyq.
Munda biz jeti bazalyq qaǵıdatty basshylyqqa alamyz. Atap aıtqanda, olar qoljetimdilik, avtonomdylyq, aıqyndyq, senimdilik, legıtımdilik, kóp fýnkıonaldyq jáne qaýipsizdik qaǵıdattaryn qamtıdy. Bular júıeni qoldanýǵa jeńil etip, aqparattyq qaýipsizdikti, saılaýshynyń «tańdaý qupııasyn», syrttan aralasý men burmalaý táýekelderinen qorǵaýdy qamtamasyz etedi.
«Praımerız» júıesi turǵyndarmen keri baılanysty barynsha kúsheıtip, saýalnamalardy jedel júrgizýge, túrli bastamalar men zań jobalaryn talqylaýǵa, shalǵaıdaǵy eldi mekenderdiń turǵyndarynyń pikirlerin tyńdaýǵa múmkindik beredi.
Sondyqtan «Praımerız» júıesin ázirleýge qyzý atsalysqan IT-mamandar toby men partııa múshesi Asqar Jumaǵalıevke erekshe alǵys aıtqym keledi.
Onlaın-format – partııanyń ashyq ári qoljetimdi bola túsýine jasalǵan taǵy da bir qadam. Ásirese, jastar úshin jaqsy múmkindik. Elbasynyń tapsyrmasy boıynsha árbir máslıhat pen Májiliske arnalǵan partııalyq tizimderde keminde 20% 35 jasqa deıingi jastardy qamtý josparlanyp otyr.
Adal da básekelik negizde praımerız ótkizý bárimiz úshin mańyzdy. Sarapshylar qoǵamdastyǵy aǵymdaǵy qoǵamdyq-saıası máselelerdi sheshýde budan úlken úmit kútip otyr. Muny taıaýda ótken «Nur Otan» jaqtastary Lıgasynyń dıskýssııasy naqty kórsetti.
Biz Lıganyń búkil el kóleminde partııashishilik tańdaýdyń ótkizilý barysyna qoǵamdyq baqylaý jasaý boıynsha bastamasyn qoldaımyz.
«Nur Otan» partııasy elimizdi sózben emes, is júzinde damytqysy keletin barsha jandy praımerızge qyzý qatysýǵa shaqyrady!» - dedi Baýyrjan Baıbek.

"Adyrna" ulttyq portaly

Pikirler