Elimizde karantın kezinde úıler men aýlalarǵa, kóshelerge arnaıy dezınfekııa jumystary oqtyn-oqtyn jasalǵan bolatyn. Keıinirek sáýir aıynan keıin qolyna shlangi ustaǵandar múlde kórinbeı ketti. Alaıda sońǵy ýaqytta dezınfekııa jasaǵyshtar qaıta paıda boldy. Úıdiń kireberisinen bastap, búkil aınalaǵa ıisi ótkir tazartqysh sýyn shashýdy vırýstan qorǵaý eken dep júrmiz. Al belgili zańger Jangeldi SÚLEIMENOV bul shashylǵan nárseniń quramyna kúdik keltirip, tipti osy dezınfekııanyń kesirinen aýrýymyz múmkin degendi alǵa tartady.
«Almaty jáne bálkim basqa qalalarda da podezd, aýla, kóshelerge dezınfekııa retinde shashylyp jatqan suıyqtyq Glıýzamın jáne Akma hlor.
Alaıda osy suıyqtyqty tek jabyq jerlerge ǵana shashý kerek. Óıtkeni aýla, kóshege bul suıyqtyqty shashsa, ókpesinde aqaýy bar adam úshin óte qaýipti. Mundaı ýdan adamdar tipti ólip te ketýi múmkin. Sondyqtan dezınfekııa jasaý úshin óte qaýipti sanalatyn bul suıyqtyqty kósheler men aýlalarda shashýǵa qarsylyq tanytýymyz kerek. Hlor degenimiz óte qaýipti ýly gaz! Al muny tazalyq úshin paıdalanýǵa bolmaıdy. Osyǵan deıin bul týraly jazǵanyma ınfekıonıster «hlordyń ókpege qaýpi joq» dep qarsy shyǵypty.
Bul jaı ǵana hlor emes, Glıýzamın men Akma hlordyń qospasy ǵoı!» dep jazady zańger óz paraqshasynda. Sonymen qatar ol dezınfekııa máselesine qatysty quzyrly organdarǵa shaǵym da túsirgen. Bul az deseńiz, Súleımenov tipti Dúnıejúzilik densaýlyq saqtaý uıymyna da shaǵym hat daıyndapty. Zańgerdiń jazbasyna qatysty pikir bildirgender óte kóp. Solardyń birazyn qazaqshaǵa aýdaryp, nazarlaryńyzǵa usynýdy jón sanadyq.
Biz Zerdelide turamyz. Keshe túngi saǵat ekiler shamasynda bir kólik kelip, áldeneni shópterge, aǵashtarǵa shashyp ketti. Álgi ıis qolqany qabady. Terezemizdi jaýyp qoıdyq. Tańerteń de álgi ıis óz kúshin joımaǵanyn baıqadyq.
Al bizde Nur Sultanda shashylǵan nárseniń ıisi qandalany óltirýge arnalǵan dáriniń ıisine qatty uqsaıdy. Kóp shashqany sondaı, kózdi ashytady. Iisi de sumdyq, tynys alý múmkin emes. KSKǵa suraý saldym, shashyp jatqan suıyqtyq ne dep. Ázirge jaýap joq.
Koronavırýsty joıatyn dezınfekııalyq zat áli oılap tabylǵan joq. Demek, bul jaı ǵana aqshany jelge shashý dezınfekııasy degen sóz ǵoı.
Esterińizde me, shymkenttik bir vrach áıel shyryldap, adamdardyń koronavırýstan emes, pnevmonııadan ólip jatqanyn aıtqanda oǵan eshkim sene qoımaǵan edi. Keıin ne boldy? Sol dárigerdiń aıtqany dál keldi emes pe? Adamdar ókpe qabynýynan zardap shekti. Bálkim qazir de solaı, zańger shyryldap halyqtyń amandyǵy úshin shaǵym túsirýde. Ázirge oǵan senip otyrǵandar az. Kim biledi, biraz ýaqyttan keıin bul dezınfekııanyń da syry ashylar.
P.S Aýla, kóshe, podezderge shashylyp júrgen dezınfekııa suıyqtyǵy rasymen adam densaýlyǵyna qaýipti me? Bul suraqtyń jaýabyn tıisti mekemeler resmı túrde beredi dep senemiz. Óıtkeni, halyq úshin qazir árbir suraýdyń jaýabyn alý anaǵurlym mańyzdy.
Merýert HÝSAINOVA,
"Adyrna" ulttyq portaly.
