Este saqtaý qabileti turaqty emes. Adamnyń jasy kele ol nasharlaı beredi. Alaıda bul qabiletti tabıǵı jolmen jaqsartýǵa bolatynyn umytpaý kerek.
Qantty az paıdalanyńyz
Qantty shamadan tys tutyný este saqtaý qabiletiniń buzylýyna áser etedi. Teńgerimsiz tamaqtaný mıdyń kóleminiń azaıýyna ákelýi múmkin. Raıondaǵy qant mólsherin azaıtý osyndaı problemalardy boldyrmaýǵa kómektesedi jáne tutastaı alǵanda densaýlyqqa oń septigin tıgizedi.
Balyq maıyn jep turyńyz
Balyq maıy Omega-3 qanyqpaǵan maı qyshqyldaryna, sonyń ishinde eıkosapentaenoıd pen dokozageksaenoıdke baı. Ol júrek aýrýlarynyń paıda bolý qaýpin tómendetedi . Balyq pen balyq maıyn jeý ásirese qart adamdardyń este saqtaý qabiletin jaqsarta alady.
Medıtaııaǵa ýaqyt tabyńyz
Medıtaııa adamdy tynyshtandyryp, qan qysymyn túsiredi. Ol negizinen qysqa merzimdi jadty jaqsartady. Ǵalymdar Taıvan kolledjiniń stýdentterine tájirıbe jasap, medıtaııa jasaǵan stýdentterdiń jasamaǵandarǵa qaraǵanda keńistiktik jumys jady edáýir jaqsyraq bolǵandyǵyn anyqtady.
Salmaǵyńyzdy qadaǵalańyz
Semizdik - bul tanymdyq quldyraýdyń qaýipti faktory. Artyq salmaq adamnyń mıyna keri áser etedi. Zertteýshiler 18 jastan 35 jasqa deıingi adamdarǵa este saqtaý qabiletin anyqtaýǵa arnalǵan test júrgizdi. Nátıjesinde denedegi artyq salmaq massasy jadtyń buzylýyna ákeletinin dáleldedi. Sonymen qatar semirý Algeımer aýrýynyń paıda bolýyna áser etedi.
Uıqyńyzdy qandyryńyz
Az uıyqtaý adamnyń este saqtaý qabiletin buzady. Eresek adam táýligine 7-8 saǵat uıyqtaý kerek. Túngi demalys kezinde qysqa merzimdi estelikter uzaq merzimdi estelikterge aınalady.
Sanańyzdy jattyqtyryńyz
Sanalylyq - sizdiń sezimderińizdi jáne qorshaǵan ortańyzdy jaqsy túsinetin psıhıkalyq kúı. Ol medıtaııanyń bir bóligi retinde qoldanylady. Zertteýler sanany jattyqtyrýdyń stressti azaıtýǵa jáne este saqtaý qabiletin jaqsartýǵa tıimdi ekenin rastaıdy. Ol tanymdyq quldyraý qaýpin azaıtady.
Alkogoldi az ishińiz
Alkogol densaýlyqtyń kóptegen aspektilerine, sonyń ishinde este saqtaý qabiletiniń buzylýyna áser etedi. Kúnine 36 gramnan artyq mólsherde alkogoldi paıdalanatyn orta jastaǵy er adamnyń este saqtaý qabileti ishpeıtinderge qaraǵanda alty jylǵa erte tómendeıdi.
D vıtamıniniń deńgeıin tekserińiz
D dárýmeni deńgeıiniń tómendeýiniń jaǵymsyz saldarynyń biri - tanymdyq fýnkııanyń nasharlaýy. Bul zattyń jetispeýshiligi kóbinese sýyq klımaty bar elderdiń turǵyndaryna tán.
Deneńizdi shynyqtyryńyz
Belsendi ómir súrý mıǵa paıdaly. Ol kez-kelgen jastaǵy adamdardyń este saqtaý qabiletin jaqsartýǵa kómektesedi. Kúndelikti jattyǵý jasaý neıroprotektorly aqýyzdardyń sekreııasyn joǵarylatady jáne neırondardyń ósýi men damýyna ákeledi.
Qabynýǵa qarsy ónimderdi tańdańyz
Qabynýǵa qarsy tamaqtarǵa shaı, jemister men kókónister jatady. Olar ımmýndyq júıeni yntalandyrady, bos radıkaldardy ketiredi. Jıdekter antıoksıdanttarǵa baı.
Shokolad jeńiz
Shokolad mıdyń qan aınalymyn jaqsartady. Flavonoıdtary bar qara shokoladty jeıtinderdiń jady antıoksıdanttary joq aq shokoladty súıetinderge qaraǵanda áldeqaıda jaqsy. Maksımaldy paıda alý úshin quramynda 70% kakao bar shokoladty tańdaý kerek.
Dıana ASANOVA, «Adyrna» ulttyq portaly
