Sátbaev qalasynda bala urlady degen kúdikti qolǵa tústi, – dep habarlaıdy «Adyrna» ulttyq portaly Polisia.kz-ke silteme jasap.
23 shilde kúni saǵat 21.00-de Jezqazǵan qalasynyń turǵyny Sátpaev q. PB habarlasyp, 5 jasar qyzynyń joǵalyp ketkenin habarlady.
Sátbaev qalasynyń polıııa bóliminiń jeke quramy men eriktiler qatysqan izdestirý sharalarynyń nátıjesinde bala kópqabatty úıdegi páterlerdiń birinen tabyldy. Bala qazir aýrýhanada dárigerlerdiń baqylaýynda.
Kúdikti qamaýǵa alyndy. Alaıda ondaǵan adam ony óz qoldaryna tapsyrýdy talap etti.
Tártipsizdikke jol bermeý úshin quqyq qorǵaý organynyń kúshteri jumyldyryldy.
Qaraǵandy oblysynyń polıııa basqarmasy qoǵamdyq tártipti jáne qala turǵyndarynyń qaýipsizdigin qamtamasyz etý úshin barlyq qajetti sharany qabyldap jatyr.
“Adyrna” ulttyq portaly
