Nur-Sultan, BAQ.KZ. Búgingi tańda elimiz koronavırýs indetimen kúres júrgizýde. Bul máseleni sheshý maqsatynda qosymsha halyqqa medıınalyq qyzmet kórsetý ortalyqtary ashylýda. Onda bilim berý mekemelerinde qyzmet etetin medıına qyzmetkerleri eńbek etýde.
Jambyl oblysy ákimdigi Bilim basqarmasy basshysynyń orynbasary Talǵat Jamalov medıınalyq pýnktterdegi mektep meıirbıkeleri erikti túrde jumys istep jatqanyn aıtty. Olar dárigerdiń tekserisinen soń naýqastardy qabyldaýda.
Taraz qalalyq Muhtar Áýezov atyndaǵy №33 orta mektepte medıınalyq pýnkt 20 shildeden bastap jumys isteýde.
Bizdiń basty maqsatymyz - emhanalardyń jumysyn az da bolsa jeńildetý. Eki kún ishinde bizge 11 adam keldi. Olar negizinen orta jastaǵy azamttar. Aıtatyn shaǵymdary barlyq turǵynda ózekti bolyp otyrǵan aýrý belgileri - bas aýrýy, álsizdik pen jaısyzdyq. Bizge qatardaǵy jaǵdaılar baıqalatyn naýqastardy joldaıdy. Óıtkeni, mekteptegi medıınalyq pýnktter kúrdeli proedýralarǵa oraı jabdyqtalmaǵan, - deıdi mektep meıirbıkesi Orynkúl Qoıshyǵulova.
"Býryl" alqabynyń turǵyndary mekteptegi medıınalyq pýnkterdiń jabdyqtalýynyń joǵary ónimdiligin aıtyp otyr.
Biz óz aýdanymyzda oqshaýlana ómir súrýdemiz. Emhana alys bolǵandyqtan onda em-dom alý úshin barý yńǵaısyz. Sol sebepti dárigerdiń belgileýin alǵan soń bulshyqetke ekpe jasaı alatyn nemese tamshylar qoıa alatyn kórshilerdi izdeımiz. Al aýdannyń tap ortasynda ornalasqan mektep árkim úshin kómek alýǵa bolatyn yńǵaıly jer. Onda qan qysymyn ólshetip, ekpe saldyrýǵa, jazylý proesin baqylaýda ustaýǵa bolady, - deıdi jergilikti turǵyn Erkebulan Jantilesov.
Osy aýdanda ornalasqan №54 mekteptiń medıınalyq qyzmetkerleri Aıbıbi Dúısenbaeva men Aıym Úbaıdan jumysqa qýana-qýana shyqqandaryn aıtty.
Biz balalarmen jáne olardyń ata-analarymen tyǵyz baılanys ustaımyz. Sondyqtan jergilikti turǵyndardyń birshamasyn jaqsy tanımyz. Mundaı jaǵdaıda olarǵa kómek kórsetpeý satqyndyqpen para-par bolar edi. Bizdiń medıınalyq pýnkt ótken aptada ashylǵan. Osy ýaqyt aralyǵynda bizge 19 adam júgindi. Mektepte qajetti proedýralardy júrgizýge bar jaǵdaı jasalǵan. Eńbegimiz elge paıdaly bolady dep úmittenemiz, - deıdi meıirbıke Aıbıbi Dúısenbaeva.
Qalanyń shetindegi aýdandar úshin naýqastardyń mektepterdegi medıınalyq pýnktterde qabyldanýy ekinshi tynys ashylǵandaı áser etti.
Biz jumysqa birinshi ótinishten soń-aq shyqtyq. Koronavırýspen kúres kezinde soǵys kezindegideı ár jaýyngerdiń mańyzy zor. Onyń ústine bizdiń aýdanǵa medıınalyq kómektiń jetýi qıyndyq týdyrady. Bizdiń mektep "Kirpish zaýyty" aýdanynda ornalasqan. Munda Baryshan alqaby men Aqbulym aýylynan da adamdar kelip turady. Keıde tamshy qoıý qıyn bolyp jatady. Óıtkeni, aýyldyq jerde medıınalyq bilimi bar adamdy tabý qıyn. Sondyqtan áriptesim ekeýmiz taban aýdarmaı jumys istep jatyrmyz. Eki apta ishinde bizge kómek alý úshin 47 adam keldi. Onyń 11-in búgin qabyldadyq, - deıdi №60 orta mekteptiń meıirbıkesi Sáýle Beıneýova.
Ekinshi meıirbıke Baıan Qalmaǵanbetova da jumysynyń jańa qyryn zor yntamen qabyldap, pýnkt kireberisinde naýqastardy qarsy alyp, temperatýrasyn ólshep, jeke qorǵanys quraldarynyń bar-joǵyn tekserýde.
Men medıına salasyna adamdarǵa kómek berý maqsatynda keldim. Qazir meniń kómegim barynsha paıdaly bolatyn shaq keldi. Naýqastardy únemi kóterińki kóńilmen, kúlimdep qarsy alamyn. Óıtkeni, bul kezde olarǵa barynsha jaǵymdy emoııalar kerek. Jýyrda bizge 92 jastaǵy bronhıti bar qarııa keldi. Biz aqsaqaldy emdep, aýrýynan aıyqtyryp jiberdik. Ol kisini kórgen saıyn alǵysyn alyp, kúni boıyna kóńilim kóterilip júredi, - deıdi ol.
Árbir naýqastyń qazaqstandyq azamattardyń ómiri úshin kúreske óz úlesterin qosyp júrgen meıirbıkelerge alǵystary sheksiz.
Jambyl oblysy ákimdigi Bilim basqarmasy basshysynyń orynbasary Talǵat Jamalovtyń aıtýy boıynsha, mektepterdegi medıınalyq pýnktter naýqastardy oqý jyly bastalǵanǵa deıin qabyldaıdy.
BAQ.KZ
