Eńbek jáne halyqty áleýmettik qorǵaý mınıstri Birjan Nurymbetovtyń aıtýynsha, karantınge qatysty shekteýler saldarynan tabyssyz, jalaqysyz qalǵan azamattarǵa eń tómengi jalaqy kóleminde bir rettik kómek berý týraly sheshim qabyldandy. Onyń kólemi - 42 500 teńge.
Mınıstr ótinish berýge arnalǵan elektorndy portal osy aptanyń besinshi kúnine deıin daıyn bolatynyn, turǵyndarǵa ázirge asyqpaýyn ótindi. Aqsha aýdarý 20 shildeden bastap júzege asa bastaıdy.
«Halyqtyń tarapynan túsip jatqan suraqtarǵa qysqasha jaýap bereıin. Tólem bul joly kimderge tólenedi? Bul jolǵy 42 500 tólem tótenshe jaǵdaı kezindegi qaǵıdatqa saı tólenedi. Iaǵnı, jumys istep júrip, tabysynan, alyp júrgen jalaqysynan aıyrylǵan azamattarǵa tólenedi.
Qashan tólenedi?
Bul jolǵy tólem jasaýdyń operatory retinde taǵy da memlekettik áleýmettik saqtandyrý qory belgilendi. Ótkende bul qordyń qarjylyq jaǵdaıy týraly aıtqanbyz. Qarjy máselesi qıyn. Biraq, búgin sheshim qabyldandy. Ulttyq bank úkimetpen birlesip bir apta ishinde Qordyń qarjyyq jaǵdaıyn sheshýi kerek. Oǵan deıin biz ótinish qabyldaıtyn portaldardy daıyndaımyz. Osy juma kúni búkil portal ótinish berýge daıyn bolýy kerek. Sol kúnnen bastap ótinish qabyldaý bastalady. Al, 20 shildeden bastap tólemderdi aýdarýǵa kirisemiz. Ázirge, elektrondy úkimetke, 42 500 saıtyna kirip, áýre bolmańyzdar. Portaldardy biz jumaǵa deıin daıyndaýǵa tyrysamyz, tólem 20 shildeden bastalady degen úmit bar», - dedi Nurymbetov.
