Qazirgi tańda álemdi alańdatyp otqan dert bizdiń Qazaqstan úshin de qaterli. Birinshi baılyq – densaýlyq bolǵanymen, deni saý adamnyń tórt qabyrǵaǵa qarap, qol qýsyryp otyrýy múmkin emes. Jaqynyna janashyr bolyp otyrar ma edi, eger elimizde tolyq jaǵdaı jasalǵan bolsa?!
Esesine halyqty jumyspen qamtý ortalyqtary úzdiksiz qyzmet etip, jumyssyz qalǵan mamandarǵa kómek kórsetýde. «Adyrna» ulttyq portaly osyǵan baılanysty Jumyspen qamtý ortalyǵy jaıly aqparattardy nazarlaryńyǵa usynady. Sizderdiń de qajetterińizge jarap, septigi tıetinine senimimiz mol.
Halyqty jumyspen qamtý ortalyǵy «Halyqty jumyspen qamtý týraly» Qazaqstan Respýblıkasynyń Zańy negizinde jumys isteıdi. Ortalyqtar aýdandarda, oblystyq mańyzy bar qalalarda, Almaty jáne Nur-Sultan qalalarynda jergilikti atqarýshy organdarmen birge 2011 jyly qurylǵan. Halyqty jumyspen qamtý ortalyqtary halyqqa jáne jumys berýshilerge qyzmet kórsetedi. Sonymen qatar mundaǵy barlyq qyzmet halyqqa tegin usynylady. Ortalyqtarda arnaıy daıyndalǵan qyzmetkerler jumys isteıdi jáne biryńǵaı jumys standarttary qoldanylady.
Almaty qalasynyń turǵyndary úshin iske asyrylatyn arnaıy baǵdarlamalar bar. Sonyń biri – «Jumyspen qamtý 2020 jol kartasy». Bul jóninde Almaty qalasynyń resmı ınternet-resýrsynda mynadaı aqparat berilgen:
Bul baǵdarlamaǵa kim qatysa alady?
Halyqty jumyspen qamtý ortalyǵy qajetti bilikti mamandardy irikteýdi júzege asyrady jáne ınfraqurylymdyq jobalardy iske asyratyn jumys berýshi-merdigerlerge, ýaqytsha tirkelgen adamdardy qosa alǵanda, osy aýdanda (qalada) turatyn jumyssyzdardy jiberedi, al qajet bolǵan jaǵdaıda jumys berýshilerdiń ótinimderi boıynsha tıisti jumystardy oryndaý úshin kadrlardy qaıta daıarlaýdy qamtamasyz etedi. Bul rette 29 jasqa deıingi jastardy jumysqa ornalastyrýǵa basymdyq beriledi.
"Jumyspen qamtý 2020 Jol kartasy" sheńberinde jumysqa shyǵýǵa daıyn azamattarǵa jumys ornyna kelgennen keıin birden 2 AEM nemese 85 myń teńge mólsherinde "kóterme" beriletin bolady. Ornyna emes, turaqty jalaqyǵa qosymsha. Bul rette ortasha jalaqy mólsheri 120 000 teńgeni quraıdy.
Jumyssyz almatylyqtar turaqty jumysqa ornalasý múmkindigine ıe bolady. Birinshi kezekte jóndeý nemese qurylys júrgiziletin aýdanda turatyn azamattarǵa, mysaly, mektepter, aýrýhanalar nemese turǵyn úıler memlekettik qarajat esebinen beriledi.
Tolyq aqparatty Almaty qalasy Jumyspen qamtý ortalyǵynyń Www.Cz-Almaty saıtynyń «JJK 2020» bóliminen kórýge bolady.
Sonymen qatar jas túlekterge de arnaıy baǵdarlama qarastyrylǵan:
Jastar jylynyń sheńberinde Almaty qalasynyń Jumyspen qamtý ortalyǵy sizdi «Jastar Tájirıbesi» baǵdarlamasyna qatysýǵa shaqyrady.
Jastar tájirıbesi bilim alǵan mamandyǵy boıynsha bastapqy jumys tájirıbesin alý úshin bilim berý uıymdarynyń túlekteri úshin uıymdastyrylady.
Túlekter ártúrli menshiktegi uıymdarda jastar praktıkasynan ótedi, onyń ishinde, Almaty qalasy ákimdiginiń qurylymyna kiretin departamentter men vedomstvolar, Memlekettik kirister departamenti, sondaı-aq jeke fırmalar bar. Mundaı uıymdardaǵy tájirıbe jas mamannyń keleshektegi mansaby úshin jaqsy negiz bolyp tabylady.
Jastar praktıkasyna 29 jastan aspaǵan jumyssyzdar oqýdy aıaqtaǵannan keıingi 3 jyl ishinde jiberiledi.
Jastar tájirıbesiniń uzaqtyǵy 6 aıǵa deıin.
Tólem 63125 teńgeni quraıdy (salyqtardy, mindetti áleýmettik aýdarymdardy, paıdalanylmaǵan demalysty óteýdi, sondaı-aq banktik qyzmetterdi), aı saıyn jumyspen qamtý ortalyǵy jasaıdy.
Jastar tájirıbesine qatysý úshin Jumyspen qamtý ortalyǵyna habarlasyńyz:
1) ótinish;
2) jeke basyn kýálandyratyn qujattyń kóshirmesi;
3) eńbek kitapshasynyń kóshirmesi (bar bolsa);
4) tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilimniń bolýyn rastaıtyn qujattyń kóshirmesi.
Qosymsha aqparat alý úshin Almaty q. Jumyspen qamtý ortalyǵyna, Nazarbaev kóshesi, 50, Jibek Joly kóshesiniń qıylysyna habarlasyńyz.
Tel.: 391 09 27, 224 20 00.
E-mail: centr_almaty@mail.ru
Budan bólek Jumyspen qamtý ortalyǵynyń kómegimen múmkindigi shekteýli 14 almatylyq ózderiniń bıznes-ıdeıalaryn júzege asyrǵan. Júzdegen stýdent qyzmetke ornalasyp, jumyssyz analardyń tegin oqyp, jumysqa ornalasýyna múmkindik qarastyrylǵan.
Bul – sizdiń de múmkindigińiz. Bálkim osy arqyly óz isińizdiń naǵyz mamany bolatyn shyǵarsyz. Al bizdiń senimimiz mol!
Jansaıa Sman,
«Adyrna» ulttyq portaly
