Qazaqstannyń Ekologııa, geologııa jáne tabıǵı resýrstar mınıstri Maǵzum Myrzaǵalıev sý sharýashylyǵy qyzmetkerlerin kásibı merekelerimen quttyqtady.
"Sý sharýashylyǵy qyzmetkerlerin kásibı merekelerimen quttyqtaımyn! Bul salada óziniń bilimi men tájirıbesin, kásibine degen qurmetti urpaqtan urpaqqa jetkizip kele jatqan otbasylyq eńbek áýleti kóptep tabylady. Sala ardagerleri men mamandarǵa adal eńbekteri úshin rızashylyq bildirgim keledi", - dep jazdy M. Myrzaǵalıev óziniń Twitter-degi paraqshasynda.
"Memleket sý sharýashylyǵyn damytýǵa basa nazar aýdarady. Prezıdenttiń tapsyrmasy boıynsha memlekettik baǵdarlama ázirlenip, mańyzdy mindetter iske asyrylýda.
Barsha sala qyzmetkerlerine zor densaýlyq, shańyraqtaryna bereke, jumystaryna tabys tileımin! Qazaqstandyqtardy sýdy únemdeýge shaqyramyn!", - dedi mınıstr.
"Adyrna" ulttyq portaly
