Týǵan kúniń qutty bolsyn, Nuraǵa!
Sendeı tulǵa týmaıdy ma, týa ma?
80 jasqa baramyn dep júr edim,
Bara almadym!
Karantındi kinála!
Bir aýyryp turypsyń ǵoı,
Aýyrma!
Densaýlyqty ustaý kerek babynda.
Aýyrǵanyń durys boldy, erterek,
Aspırın pen paraetamol barynda.
Sultan - qala qalaı nurmen jýynǵan?
Sheneýnik kóp deıdi dertten jyǵylǵan.
Bılik qalaı aýyryp júr vırýspen,
Maska kıip júrgen joq pa burynnan?
Eskertkishiń qutty bolsyn!
Alyp pa?
Quny qansha? Mıllıardqa baryp pa?
Sol aqshaǵa dári - dármek berseń ǵoı,
Bir eskertkish qoıar edi halyq ta.
Al, aýylda...
Kúrk - kúrk jótel ár úıde.
Aýyrýda kári, jas ta, sábı de.
Jaǵympazdar shýlaǵasyn janyńda,
Sizge eshteńe estilmeıdi, árıne.
Aýyl jaqta aýyryp júr júregim!
Naýqastardyń jasaıdy eken kim emin?
Aýrýhana, emhanada oryn joq,
Qara jerden tabylar - aý bir oryn.
Nur - Sultan jaq karantınmen araz, á?
Mundaı kúni shyrqalatyn án - aza.
Elordada búgin aıqaı týǵan kún,
Bizdiń jaqta janaza da janaza!
Baýyrjan ShIRMEDINULY,
Syrym aýdany
Batys Qazaqstan oblysy
