Нұрекеңе хат!

6269
Adyrna.kz Telegram

 

Туған күнің құтты болсын, Нұраға!
Сендей тұлға тумайды ма, туа ма?
80 жасқа барамын деп жүр едім,
Бара алмадым!
Карантинді кінәла!

Бір ауырып тұрыпсың ғой,
Ауырма!
Денсаулықты ұстау керек бабында.
Ауырғаның дұрыс болды, ертерек,
Аспирин пен парацетамол барында.

Сұлтан - қала қалай нұрмен жуынған?
Шенеунік көп дейді дерттен жығылған.
Билік қалай ауырып жүр вируспен,
Маска киіп жүрген жоқ па бұрыннан?

Ескерткішің құтты болсын!
Алып па?
Құны қанша? Миллиардқа барып па?
Сол ақшаға дәрі - дәрмек берсең ғой,
Бір ескерткіш қояр еді халық та.

Ал, ауылда...
Күрк - күрк жөтел әр үйде.
Ауыруда кәрі, жас та, сәби де.
Жағымпаздар шулағасын жаныңда,
Сізге ештеңе естілмейді, әрине.

Ауыл жақта ауырып жүр жүрегім!
Науқастардың жасайды екен кім емін?
Аурухана, емханада орын жоқ,
Қара жерден табылар - ау бір орын.

Нұр - Сұлтан жақ карантинмен араз, ә?
Мұндай күні шырқалатын ән - аза.
Елордада бүгін айқай туған күн,
Біздің жақта жаназа да жаназа!

Бауыржан ШИРМЕДИНҰЛЫ,
Сырым ауданы

Батыс Қазақстан облысы

Пікірлер