Densaýlyq saqtaý vıe-mınıstri Lıýdmıla Bıýrabekova tańerteńgi brıfıngte Nur-Sultan, Almaty qalasy jáne Qaraǵandy oblysyndaǵy dárihanalarda búginnen bastap paraetamol bolatynyn aıtqan. Tengrinews.kz tilshileri eki qalanyń dárihanalaryn aralap, paraetamol izdep kórdi.
"Búginnen bastap ystyqty túsiretin paraetamol preparatynyń tabletka túri naryqta bar. Almaty, elorda jáne Qaraǵandy oblysyndaǵy dárihanalarda bar jáne qalǵan aımaqtardyń barlyǵyna deıi jiberildi, apta sońyna deıin bolady", - dedi vıe-mınıstr Lıýbmıla Bıýrabekova.
Alaıda eki qalanyń 6 dárihanasynan bul preparat tabylmady.
"Paraetamol joq. Bir aptadan beri kelgen joq. Bazada tapsyrys berip qoıdyq. Biraq áli satylymǵa da shyqpady. Birden kóretin edik... Vırýsqa qarsy preparattar da joq", - dedi elordalyq farmaevt.
Nur-Sultandaǵy "Landysh" dárihanasynyń aldynda 5-6 adamnyń sońyna kezekke turdyq.
"Tek paraetamol suraımyn da shyǵamyn", - degen jigitti kezekte turǵandar shýlap ótkizbedi. Sebebi bári osy dárini alý úshin turǵanyn aıtty.
Biraq jumys ýaqyty aıaqtalǵan soń ba, bilmeımiz, 5 mınýttan keıin 10 shaqty adam jınala qaldy. Kezek alyp, kólikte kútip otyrǵandary da bar.
Kezegimiz kelip, biz paraetamoldy suradyq. Jaýap sol: "Bir aptadan beri joq, qashan bolatynyn bilmeımiz".
Almatydaǵy dárihanalarda "Ibýfen" bar. "Bıosfera" dárihana sýpermarketiniń aldynda adam joq. Paraetamol suradyq.
"Qala boıynsha joq", - dedi alǵashqy kirgen dárihanadaǵy farmaevt.
Al "Apteka plıýs" dárihanasynyń aldynda adam qarasy kóp. Kezekke turdyq.
Aıta ketý kerek, kezekte turǵandar 2 metr qashyqtyq saqtaý keregin eskermegen.
Kezektiń sońy uzaryp jatqan soń, shyqqandardan suradyq. Paraetamol joq eken.
Biz qaladaǵy barlyq dárihanany aralaı almaǵanymyzdy aıtyp ótý kerek. Dárihanada qajet dári bolmasa mamandar ony almastyratyn dári-dármek alýǵa keńes berip otyr.
Eske salaıyq, birqatar óńirdegi dárihanalarda vırýsqa qarsy dáriler, onyń ishinde paraetamol joq bolyp, shý shyqqan bolatyn.
Sońǵy málimetter boıynsha elimizde koronavırýs juqtyrǵandar sany 42 574-ke jetti 13845 adam aýrýdan aıyqty. 188 naýqas qaıtys boldy.
Memleket basshysy Qasym-Jomart Toqaev Qazaqstanda 5 shildeden bastap 14 kúnge karantın jarııalaý usynylǵanyn málimdedi.
