Búgin fýtboldan Qazaqstan chempıonaty qaıta jalǵasady. Pandemııaǵa baılanysty ýaqytsha toqtatylǵan oıyndar kórermensiz ótedi. Aıta keteıik, úzilis kezinde "Ertis" fýtbol klýby qarjy tapshylyǵyna baılanysty el birinshiligine qatysýdan bas tartqan bolatyn.
Nur-Sultannyń "Astana" fýtbol klýby qarsylasy joq bolǵandyqtan bul týrda oınamaıdy.
Qazaqstan premer-lıgasynyń 3-týr oıyndary bes qalada ótedi.
18:00-de "Qaırat"(Almaty) – "Jetisý" (Taldyqorǵan), "Tobyl" (Qostanaı) – "Kaspıı" (Aqtaý), "Qyzyl-Jar SK" (Petropavl) – "Oqjetpes" (Kókshetaý) komandalary oınaıdy.
20:00-de "Ordabasy" (Shymkent) – "Shahter" (Qaraǵandy), "Qaısar" (Qyzylorda) – "Taraz" (Taraz) komandalary kezdesedi.
Eki týrdan keıin "Astana" 7 upaımen birinshi, "Qaırat" pen "Qaısar" 6 upaıdan enshilep, ekinshi jáne úshinshi orynda kele jatyr. "Oqjetpes", "Ordabasy", "Astana" jáne "Qaırat" komandalary 3 oıynnan ótkizgen.
Elimizde fýtbol maýsymy qaıta jalǵasyp jatqan kezde ulttyq qurama komandalarynyń oqý-jattyǵý jıyndary toqtatyldy. Ulttyq Olımpıadalyq komıtet janyndaǵy jedel shtab osyndaı sheshim qabyldap otyr.
Ótken aıda el namysyn qorǵaıtyn sportshylar keshendi ázirlikke kirisip, elimizdiń túkpir-túkpirinde 26 oqý-jattyǵý jıyny uıymdastyrylǵan. Sporttyq nysandar sanıtarlyq talapty qatań saqtaǵan.
"Adyrna" ulttyq portaly