Koronavırýsqa qarsy vakına saldyrǵan alǵashqy adam jaǵdaıyn aıtty

6147
Adyrna.kz Telegram
Koronavırýs anyqtalǵanyna jarty jyldan asty. Alaıda osy ýaqyt aralyǵynda aýrýdyń emi áli anyqtalmady. Oǵan qarsy ǵylymı túrde áseri dáleldengen vakına kóp emes. Jalpy dúnıe júzinde koronavırýsqa qarsy vakınanyń 100-den asa túri daıyndalyp jatyr eken. Ekpeni synaqtan ótkizýge birneshe adam qatysqan. Solardyń arasynda vakına salynǵannan keıingi áserin bólisken eken.

Vakına salynǵan alǵashqy adam

Dúnıe júzinde SARS-CoV-2 vırýsyna qarsy vakına salynǵan alǵashqy adam - Sıetl qalasynyń turǵyny Djennıfer Haller. Ol 13 sáýirde The Telegraph basylymyna vakına salynǵannan keıingi jaǵdaıy týraly aıtyp bergen. Onyń aıtýynsha, vakına tumaýǵa qarsy ekpe sekildi áser qaldyrǵan.

Djennıfer Haller mRNA-1273 vakınasyn 16 naýryzda saldyrǵan. Onyń aıtýynsha, birinshi kúni dene qyzýy kóterilip, ekinshi kúni qoly aýyrsynǵan. Artynsha jaǵdaıy jaqsarǵan eken. Atalǵan vakına aldymen janýarlarǵa salynyp, tájirıbe sátti aıaqtalǵan. Artynsha tájirıbege erikti adamdar izdestirilgen. Haller alǵashynda tájirıbeden ótýge kelisim bergeninde qatty qobaljyǵanyn aıtqan.

Djennıfer Haller © iz.ru

Ǵalymdardyń sózinshe, Sıetldegi Kaiser Permanente Washington Health Research ınstıtýtynda vakına saldyrǵan Djennıfer Haller men taǵy 44 eriktiniń jaǵdaıy 2021 jyldyń kóktemine deıin baqylaýda bolady.

Reseı - koronavırýsqa qarsy vakınany synaqtan ótkizgen elderdiń biri. 17 maýsymda Máskeýde koronavırýs ınfekııasyna qarsy vakınanyń eki formasy synaqtan ótkizile bastady. Ony Gamaleı atyndaǵy epıdemıologııa jáne mıkrobıologııany zertteýge arnalǵan ulttyq ortalyq jasap shyǵarǵan. RBK málimetinshe, eldiń Densaýlyq saqtaý mınıstrligi Býrdenko atyndaǵy áskerı gospıtalde tyshqandarǵa synaýǵa arnalǵan suıyq vakına, al Sechenov atyndaǵy ýnıversıtette untaq túrindegi vakınany synaqtan ótkizbek.

Al 18 maýsymda koronavırýsqa qarsy vakınany testileýden ótkizýge alǵashqy 18 adam qatysqan. Olar eki topqa bólinip, tájirıbege qatysýshylarǵa eki túrli komponenttegi vakına salynǵan. Búgin eki toptaǵy adamdardyń jaǵdaıy belgili boldy. RIA Novostı habaryna qaraǵanda, eriktilerdiń jaǵdaıy jaqsy. Olar Býrdenko atyndaǵy gospıtal mamandarynyń baqylaýynda.

"Maǵan vakınany qalaı salǵandaryn sezbeı de qaldym - qarapaıym arqaǵa salǵan ekpe sııaqty. Eshqandaı belgi joq, dene qyzýym qalypty, 36,6 gradýs. Basym aýyryp turǵan joq. Tábet qashady degen, biraq burynǵydan da jaqsy tamaqtanyp júrmiz. Dári ekken jerde tek núkte tur, eshqandaı aýyrsyný joq", - deıdi tájirıbege qatysqan Sergeı esimdi er adam.

Tájirıbege qatysqan Nıkolaı esimdi er adam vakına salynǵannan keıin hal-jaǵdaıynda eshqandaı ózgeris bolmaǵanyn aıtady.

"Qysymym men dene qyzýym kóteriledi dep oıladym. Ishteı bir ózgeris bolatynyn kútip júrdim. Bizge basqasha sımptomdar paıda bolýy múmkin dep eskertti. Biraq eshteńe bolǵan joq", - deıdi Nıkolaı.

Vakınany synaqtan ótkizýge erikti túrde qatysqan Iýrıı esimdi er adamnyń sózinshe de ekpeden eshqandaı ózgeris bolmaǵan.

© NTV

Aýrýhananyń anestezıolog-reanımatology Oleg Chıhlıaevtiń sózinshe tájirıbege qatysýshylarda eshqandaı keri reakııa jáne asqyný baıqalmaǵan.

"Tájirıbe qatysýshylary únemi dárigerlerdiń baqylaýynda. Olar preparattardy, sonyń ishinde vakınalardy klınıkalyq synaqtan ótkizýde úlken tájirıbesi bar dárigerler", - deıdi maman.

Al 27 jastaǵy Chjý Aobın qytaılyq ǵalymdar daıyndaǵan vakınany synaqtan ótkizýge qatysqan eriktilerdiń biri. Ol vakına salynǵannan keıingi jaǵdaıy týraly CGTN qytaılyq jańalyqtar arnasyna bólisken.

"Meniń jaǵdaıym jaqsy. Dene qyzýym birqalypty. Eriktilerdiń atynan qoldaý bildirgenderińiz úshin barshańyzǵa alǵys bildiremin. Kóptegen BAQ ókilderi men áleýmettik jeli qoldanýshylary bizdi naǵyz batyr dep ataıdy", - deıdi erikti.

Aıta keteıik, Chjý Aobınge koronavırýsqa qarsy vakına 18 naýryzda salynǵan. Ol óziniń jaǵdaıy týraly vakına salynǵannan keıin bes kúnnen soń bólisken.

Derekkóz:Tengrinews.kz

Pikirler