Almatydaǵy Saıran kólinde shomylý óte qaýipti. Aı basynda alynǵan synamadan mamandar adam aǵzasyna asa qaýipti vırýs anyqtalǵanyn aıtty. Bul týraly 24.kz. habarlady.
Kól sýyna júrgizilgen bakterıologııalyq synama nátıjesi adam aǵzasyna asa qaýipti vırýs baryn kórsetken. Sondaı-aq, sýdaǵy ishek aýrýy taıaqshalarynyń qalypty mólsherden toǵyz ese asyp ketkeni anyqtalǵan.
Qazirgi kezde kól aýmaǵy qorshalyp, sanıtarlyq qyzmettiń qatań eskertpesin elemeı, sýǵa túsip, shomylyp júrgen adamdardyń áreketi durys emes deıdi mamandar.
«Búginnen bastap ákimdik ókilderimen jáne arnaıy mamandarmen birge túsindirý jumystaryn júrgizemiz. Mundaı sharalar demalys kúnderi de jalǵasatyn bolady», – deıdi Almaly aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysy Sáýle Nurǵalıeva.
Aıta keteıik, aıdyń basynda alynǵan kól sýynyń synamasynan mamandar A gepatıtiniń vırýsy anyqtalǵanyn aıtyp otyr. Osydan keıin kól mańy qorshaýǵa alynyp, shomylýǵa qatań tyıym salyndy.
"Adyrna" ulttyq portaly
