Qazirgi ýaqytta oblys ortalyǵyn dárileý jumystary eki aýysymda úzdiksiz atqarylýda, dep habarlaıdy Atyraý oblysynyń kommýnıkaııalar qyzmeti.
⠀
Atyraý qalasynyń klımattyq jaǵdaıynyń erekshelikterin eskere otyryp, zııankesterge qarsy kúres bıyl sáýir aıynyń basynda bastalǵan edi. Codan beri dezınsekııalyq jumystar ashyq sý aıdyndarynda júrgizildi.
⠀
- Jalpy qaladaǵy dezınsekııalyq jumystarǵa alty brıgada jumyldyrylǵan. Olardyń ekeýi tańǵy saǵat toǵyzdan keshki saǵat altyǵa deıin jumys isteıdi.
Belgilengen brıgadalar kóp qabatty úılerdiń jertóle kireberisterinde zııankestermen kúresedi. Qalǵan tórt brıgada keshki segizden túngi saǵat ekige deıin qala kóshelerinde, ashyq sý qoımalarynda, saıabaqtarda, mádenıet jáne demalys oryndarynda, sondaı - aq qala mańyndaǵy aýyldyq okrýgterde tazalaý jumystaryn júrgizedi ,- dep atap ótti etnomolog maman Aınagúl Dáýletıarova.
⠀
Búginge deıin 1188 kópqabatty turǵyn úıdiń jer tóleleri men kire beristerine dárileý jumystary júrgizilgen. Mundaǵy PIK qyzmet etpeıtin úılerge dezınsekııa jumystary senbi-jeksenbi kúnderi júrgiziledi. Al, PIK qyzmet etetin turǵyn úılerge ýlaý jumystary aıyna bir ret jasalady. Sonymen qatar, mamandar áleýmettik jelilerde arnaıy chattar ashqan. Osyndaı toptardyń kómegimen turǵyndardy jumys barysyn tekserýge shaqyrady.
⠀
- Bizdiń jumysymyzdy qalalyq ákimdik pen TQSh-dan bólek, turǵyndar da baqylaýda ustaıdy. Eger, turǵyndar tarapynan ýlaý jumystaryna qandaı da bir kóńil tolmaýshylyq bolatyn bolsa, Telegram-chatqa jazýyna, jumys barysyn tekserýine múmkindigi bar, - deıdi Aınagúl Daýletıarova.
Atyraý oblysy
