Búgin Nur-Sultan qalasynyń ákimi Altaı Kólginov bala kútimimen aınalysatyn erekshe qajettiligi bar analarmen kezdesti. Ákim bul týraly ınstagram jelisinde jarııalady.
"Erekshe qajettiligi bar balalardyń kútimimen aınalysyp otyrǵan analarmen kezdestim. Kezdesý barysynda turǵyn úı, medıınalyq kómek jáne qosymsha bilim alý, jumysqa ornalasý, balalardy ońaltý úshin jaǵdaı jasaý máseleleri kóterildi.
Osy baǵyttar boıynsha júıeli jumys júrgizilip jatyr. Ońaltý ortalyqtarynyń jelisin keńeıtemiz, ıppodrom bazasynda ıppoterapııamen aınalysýǵa arnalǵan jabyq manejdiń qurylysy bastaldy. Sonymen birge jańa turǵyn úı keshenderiniń birinshi qabatynda áleýmettik nysandar ashylady (balalarǵa arnalǵan shaǵyn ortalyqtar, ońaltý ortalyqtary, balabaqshalar). Invataksı sany eki ese artty.
Medıınalyq kómek alýǵa, jumysqa ornalasýǵa jáne qosymsha bilim alýǵa kómektesemiz.Kezdesýde aıtylǵan máseleler jumysqa alyndy", - delingen jazbasynda.
"Adyrna" ulttyq potaly
