QR Aqparat jáne qoǵamdyq damý mınıstri Aıda Balaeva qazaqstandyqtardy Memlekettik rámizder kúnimen quttyqtady.
1992 jylǵy dál osy kúni táýelsiz Qazaqstannyń jańa memlekettik rámizderi alǵash ret bekitildi. Memlekettik rámizder - memlekettiń myzǵymas negizderiniń biri. Memlekettik rámizder barlyq ýaqyttar men zamandarda qoǵamdaǵy ár adam úshin qasterli de, qasıetti boldy. Rámizder halyqtyń bostandyǵy men táýelsizdigin beıneleıdi, onyń qundylyqtary men qasıetti jerlerin, ata-babalar jadyn jáne jańa urpaqtyń bolashaq jetistikterin bildiredi.
Qazaqstandyq Tý asqaraly bıik taý shyńdaryna ornatyldy, ǵaryshtan Jer sharyn aınalyp ushty, álemdik deńgeıdegi sporttyq jeńisterde jelbiredi, adamdardy azamattyq jáne kásibı erlikterge shabyttandyrdy. Memlekettik rámizder halyqty biriktirip, ultty biregeı etedi.
Qaı qaısymyz da Týymyz, Ánuranymyz jáne Eltańbamyzdyń asqaq rýh, azattyq, qaharmandyq pen danalyqtyń qasterli nyshany ekenin jaqsy bilemiz. Biz árkez qasıetti Týymyzdyń astynda Otanymyzdyń táýelsizdigi men halqymyzdyń baqytty da beıbit ómirin qorǵaımyz.
Beıbit ýaqytta memlekettilik árbir qazaqstandyqtyń jetistikterin nyǵaıtady - bizdiń árqaısymyz neǵurlym tabysty bolsaq, Táýelsiz Qazaqstan soǵurlym qýatty bolady.
Elimizdiń barlyq azamattaryn osy qasıetti de mańyzdy kúnmen shyn júrekten quttyqtaımyn! Barshańyzǵa ósip-órkendeý, ýaqytsha qıyn kezeńdi laıyqty eńserý, ómirlik kúsh-jiger men jasampazdyq tileımin!
