"Ertıs" futbol kluby chempionattan şyǧaryldy

"Ertıs" futbol kluby qarjy tapşylyǧyna bailanysty Qazaqstan chempionatyna qatysudan bas tartty. "Klub jinalys ötkızdı. Onda osy jyldyŋ qaŋtar aiynda qabyldanǧan qarjylyq mındettemelerdı oryndau mümkın emes ekenı aityldy. Komandanyŋ bas demeuşısı būl jobany qarjylandyrmaidy. Bız de tiıstı qarjyny tölei almaimyz. Al qaryz kün saiyn jinalyp jatyr. Sondyqtan bız jaǧdaidy tüsınıp, chempionatqa qatyspaityn boldyq", - deidı Pavlodar oblysy turizm jäne sportty damytu basqarmasynyŋ basşysy Marat Aidaşev. Chempionatqa qatyspaudyŋ basty sebebı - legionerlerdıŋ kelısım şarttaryn töleuge qarajattyŋ jetıspeuı. Klubty qarjylandyruǧa 1,8 milliard teŋge, demeuşı esebınen 1,6 milliard josparlanǧan eken. "Jyl basynan berı demeuşıler 200 million teŋge böldı. Olarda būdan artyq aqşa joq. Biudjetten 183 million teŋge tölendı. Qalǧan 1,6 milliard teŋge Aqsu, Ekıbastūz futbol kluby ortalyqtaryna berıledı. Olar Qazaqstan chempionatyna qatysady" - dedı Aidaşev. Onyŋ aituynşa, "Ertıs" futbolşylaryna bırneşe ret ūsynys jasalypty. "Bız komandalardy legionerlersız qaldyrudy ūsyndyq. Olarǧa ötemaqy tölenbei, tek jergılıktı oiynşylar qaluy kerek bolatyn. Bıraq barlyǧy aqpan jäne nauryz ailarynyŋ jartysynda jinalǧan qaryzdy töleudı ötındı. Osylaişa, bız oiynşylarǧa barlyq mındettemenı oryndai almaitynymyzdy tüsındırdık. Olardy da tüsınuge bolady. Olar mūnda aqşa tabuǧa keldı. Endı olar är türlı instansiialarǧa şaǧym tüsıre bastaidy. Eger bız oiyndy jalǧastyra bersek jäne oiynşylarǧa aqşa tölemesek, şaǧym tüsuşı de edı. Sottasamyz, jaǧdaidy baqylaimyz", - dedı Aidaşev. Sondai-aq, basşy klub bankrotqa ūşyrady degen aqparatqa joqqa şyǧardy. "Klub bankrotqa ūşyrady degen qauesetter tarady. Aldaǧy uaqytta klub bankrotqa ūşyramaidy. Qarjyny ünemdeimız. Salyqtar boiynşa ne ısteuge bolatynyn köremız, qylmystyq ıstıŋ qorytyndysyn kütemız", - dep tüiındedı sözın ol.