"Ertis" fýtbol klýby chempıonattan shyǵaryldy

1625

"Ertis" fýtbol klýby qarjy tapshylyǵyna baılanysty Qazaqstan chempıonatyna qatysýdan bas tartty.

"Klýb jınalys ótkizdi. Onda osy jyldyń qańtar aıynda qabyldanǵan qarjylyq mindettemelerdi oryndaý múmkin emes ekeni aıtyldy. Komandanyń bas demeýshisi bul jobany qarjylandyrmaıdy. Biz de tıisti qarjyny tóleı almaımyz. Al qaryz kún saıyn jınalyp jatyr. Sondyqtan biz jaǵdaıdy túsinip, chempıonatqa qatyspaıtyn boldyq", - deıdi Pavlodar oblysy týrızm jáne sportty damytý basqarmasynyń basshysy Marat Aıdashev.

Chempıonatqa qatyspaýdyń basty sebebi - legıonerlerdiń kelisim sharttaryn tóleýge qarajattyń jetispeýi. Klýbty qarjylandyrýǵa 1,8 mıllıard teńge, demeýshi esebinen 1,6 mıllıard josparlanǵan eken.

"Jyl basynan beri demeýshiler 200 mıllıon teńge bóldi. Olarda budan artyq aqsha joq. Bıýdjetten 183 mıllıon teńge tólendi. Qalǵan 1,6 mıllıard teńge Aqsý, Ekibastuz fýtbol klýby ortalyqtaryna beriledi. Olar Qazaqstan chempıonatyna qatysady" - dedi Aıdashev.

Onyń aıtýynsha, "Ertis" fýtbolshylaryna birneshe ret usynys jasalypty.

"Biz komandalardy legıonerlersiz qaldyrýdy usyndyq. Olarǵa ótemaqy tólenbeı, tek jergilikti oıynshylar qalýy kerek bolatyn. Biraq barlyǵy aqpan jáne naýryz aılarynyń jartysynda jınalǵan qaryzdy tóleýdi ótindi. Osylaısha, biz oıynshylarǵa barlyq mindettemeni oryndaı almaıtynymyzdy túsindirdik. Olardy da túsinýge bolady. Olar munda aqsha tabýǵa keldi. Endi olar ár túrli ınstanııalarǵa shaǵym túsire bastaıdy. Eger biz oıyndy jalǵastyra bersek jáne oıynshylarǵa aqsha tólemesek, shaǵym túsýshi de edi. Sottasamyz, jaǵdaıdy baqylaımyz", - dedi Aıdashev.

Sondaı-aq, basshy klýb bankrotqa ushyrady degen aqparatqa joqqa shyǵardy.

"Klýb bankrotqa ushyrady degen qaýesetter tarady. Aldaǵy ýaqytta klýb bankrotqa ushyramaıdy. Qarjyny únemdeımiz. Salyqtar boıynsha ne isteýge bolatynyn kóremiz, qylmystyq istiń qorytyndysyn kútemiz", - dep túıindedi sózin ol.

Pikirler
Redakııa tańdaýy