Tótenshe jaǵdaı rejımi kezinde Qarýly Kúshterdiń áskerı qyzmetshileri Qazaqstannyń 29 qalasynda jalpy aýdany 50 mıllıon sharshy metrden asatyn 10,5 myńnan astam áleýmettik mańyzy bar nysandarǵa jáne uzyndyǵy 4000 shaqyrymǵa jýyq jol ýchaskelerine dezınfekııa júrgizdi.
Koronavırýstyq ınfekııanyń taralýy áli de jalǵasýda, Densaýlyq saqtaý mınıstrligi el azamattaryn karantındik sharalardy saqtaýǵa shaqyrdy.
Eldegi tótenshe jaǵdaı rejımi alynǵanyna qaramastan, vırýstyń taralý qaýpi óte joǵary bolyp otyr.
Áskerı qyzmetshiler keıbir qalalarda karantındik sharalardyń álsireýine qaramastan, dezınfekııalaý jumystaryn júrgizýdi jalǵastyrýda.
Áskerı qyzmetshiler alǵash ret betpe-bet kelgen koronavırýstyq ınfekııamen kúres tájirıbesin osy saladaǵy mamandarmen muqııat zerdelep, tıisti sharalardy durys uıymdastyra bildi. Qalalarda buryn engizilgen barlyq shekteýler qatań baqylaýda.
Elimizdiń azamattary densaýlyǵynyń qaýipsizdigin qamtamasyz etý maqsatynda profılaktıkalyq jáne sanıtarlyq - epıdemııaǵa qarsy is-sharalardy oryndaýǵa «Shyǵys» óńirlik qolbasshylyǵynyń áskerı qyzmetshileri qatysýda. «Biz qaýipti derttiń órship turǵanyn durys túsinip, saqtyq sharalaryn qatań saqtaýymyz qajet. Búgingi dezınfekııalaý jumystary qala turǵyndarynyń qaýipsizdigi úshin jasalýda», - dep atap ótti dezınfekııa sharalaryna qatysýshy efreıtor Muhamed Baıanbaev.
Dezınfekııalaýǵa Semeı qalasynda 110 áskerı qyzmetshi men 13 arnaıy tehnıka jumyldyryldy. Bir kúnniń ishinde áskerı qyzmetshiler jalpy aýdany shamamen 20 000 m2 áleýmettik mańyzy bar nysandar men halyq kóp shoǵyrlanǵan jerlerdi dezınfekııalaý úshin 1000 m3 arnaıy eritindisi qoldanyldy. Dezınfekııalaý sharalaryna jumyldyrylǵan arnaıy áskerı tehnıkanyń jol júrý qaýipsizdigin áskerı avtokólik ınspekııasy qyzmetkerleri qamtamasyz etti. Ár nysandy óńdeý sharalary muqııat uıymdastyryldy.
"Adyrna" ulttyq portaly
