Almatyda senip tapsyrylǵan múlikti talan-tarajǵa salǵany úshin "Transtelekom" AQ-nyń burynǵy basshysy Asqar Násenov sottaldy, dep habarlaıdy Tengrinews.kz sybaılas jemqorlyqqa qarsy is-qımyl agenttigine silteme jasap.
Sondaı-aq, Asqar Násenov - 90-jyldary qylmys áleminiń serkesi atanǵan Ryjıı Almazdyń inisi.
27 mamyrda Nasenovtyń isine qatysty sot úkimi shyqty. Ol "Qyzmetin paıdalana otyryp, asa iri kólemde senip tapsyrylǵan múlikti ıemdenip, talan-tarajǵa saldy" degen aıyppen sottaldy.
"Osyǵan deıin Nasenov "KT&T" JShS-men zańsyz konsorıýmdyq kelisim jasaý arqyly memleket qarjysyn jymqyrdy jáne 2,1 mıllıard teńge kóleminde tólem jasady dep kúdikke ilindi. Almaty qalasy Almaly aýdandyq sotynyń úkimimen Asqar Násenov 4 jylǵa bas bostandyǵynan aıyryldy, úsh jylǵa qarjylyq jaýapkershilikti ıelený quqyǵynan aıyryldy", - delingen habarlamada.
Sondaı-aq, 2013 jyly Asqar Násenovke izdeý jarııalaǵan bolatyn.
