QR Prezıdenti janyndaǵy Qazaqstannyń strategııalyq zertteýler ınstıtýtynyń bólim basshysy Alýa Joldybalına Memleket basshysy qol qoıǵan «Saıası partııalar týraly» QR-nyń Zańyna ózgeris pen tolyqtyrýlar engizý týraly» QR Zańyna qatysty pikir bildirdi, dep habarlaıdy QazAqparat tilshisi. «Memleket basshysy Qasym-Jomart Toqaevtyń 2019 jyldyń 20 jeltoqsanynda aıtqan reformalary 2020 jyly belsendi júzege asyryla bastady jáne soǵan saı jedel ári sapaly zań jobalaryn ázirleý talap etildi. Ekonomıkalyq, áleýmettik jáne saıası salalardaǵy reformalar halyqtyń keń aýqymynyń suranystary men múddesin kórsetip otyr. Osy oraıda áleýmettik jáne saıası aspektiler baǵytyndaǵy reformalar memlekettik saıasatty yryqtandyrý proesin sapaly tolyqtyra túsýde», -dedi ol.
Onyń atap ótýinshe, demokratııalyq qoǵamdy damytý eń aldymen pikir ashyqtyǵy men alýandyǵyn kózdeıdi. Bul rette qazaqstandyq qoǵamda azamattyq qoǵamdyq damytý úshin barlyq jaǵdaı jasalǵan. Oǵan úkimettik emes uıymdardyń, táýelsiz buqaralyq aqparat quraldarynyń kóptigi dálel bola alady.
«Osylaısha, bizdiń qoǵam el Parlamentinde bolýy tıisti qýatty ári bedeldi saıası azshylyqty tabıǵı jolmen qurý kezeńine birtindep kele jatyr. Qazirgi ýaqytta saıası partııalar men saıası qyzmettiń ózi búkil álemde túbegeıli ózgeriske ushyraý ústinde. Sońǵy jyldary saıası konıýnktýranyń jáne qoǵamdyq damý trendteriniń aqparattyq-kommýnıkaııalyq keńistik aıasynda ózgeriske ushyraýy partııalyq qurylym formatyn ózgertý, onyń ishinde ıdeologııalyq platformany jańǵyrtý, partııanyń elektorattarmen ózara is-qımyl formatyn ózgertý, qarjylandyrýdyń ózge kózderin izdeý qajettiligine baılanysty bola tústi», - dedi sarapshy.
Bólim basshysynyń atap ótýinshe, búginde Qazaqsandaǵy árbir saıası partııa jaqtastary qataryn arttyrý baǵytynda jumysty kúsheıte túsýde. Al bul rette saıası partııalardyń memlekettik tirkeýden ótýi úshin shekti deńgeıdi 20 myń múshege deıin tómendetýi saıası partııalardyń resýrstyq bazasyn keńeıte túsedi, saıası partııalardyń qalyptasýyna jaǵdaı jasaıdy. Munan bólek, qoǵamdaǵy azamattyq belsendilikti arttyra túsedi.
"QazAqparat".
