"Azamattardan jáne memlekettik qyzmetkerlerden kóptegen habar túsedi. Bul senimniń artyp kele jatqanyn kórsetedi. Jyl basynan beri 1424 call ortalyǵyna sybaılas jemqorlyq qylmysyn jasady degen kúdikpen 264 qońyraý tústi. Shaǵymdardyń basym bóligi ishki ister organdary, jergilikti atqarýshy organdar, bilim berý, densaýlyq saqtaý, jumyspen qamtý, áleýmettik qorǵaý qyzmetkerleriniń jumysyna qatysty", - deıdi ol.
Osy oraıda Danııar Bıǵaıdarov jemqorlyq faktisi týraly habarlaǵan 64 qazaqstandyqqa syıaqy berilgenin jetkizdi.
"Osy jyly naqtylanǵan sybaılas jemqorlyq deregi boıynsha 64 qazaqstandyq syıaqy aldy. Olar sybaılas jemqorlyq deregi týraly habarlaǵan. Onyń ishinde call ortalyqqa túsken qońyraýlar da bar. Jalpy olarǵa 10 mıllıon teńgeden astam qarajat berildi", - deıdi tergeýshi.
