Fentezı
Mysaly,
Sen -
osy álemde bolmaǵanda,
Men -
osy álemde bolmaǵanda,
Ákem, úı betin kórmeı qonbaǵanda,
(...aıtarǵa sózim qalmaǵanda)
"Myı gýıdy" tyńdaımyn.
Eshkim joqta, eshkimiń joqta
aıǵaılap, Iasyn sekildi án aıtqym keledi.
Án aıtqym keledi, sebebi!
Án aıtyp turǵan sátte,
Jıyrma jastaǵy ákem kelip, menimen án salsa.
sosyn, jan baspaǵan, shań baspaǵan kóshelermen júrip ótemiz.
sosyn, úıimizge ketemiz.
(...mysaly.)
***
Parfıýmer
Kesenege bara jatqan jolǵa qarap,
keseneden qaıtyp kele jatqan jolǵa qarap
Túk te túsinbedik.
Túk te túsinbeıtindeı túsinbedik.
Oqystan shyńǵyrǵan oılardyń "Ózim" ekenine,
Órkenıettiń "erkindik" ekenine
"bostandyq" tilimen basymdy ızedim.
Baıaǵy júrgen izderimdi jyl aınalyp izdegende
Asfalt salyp tastapty.
***
Teodıeıa
Sheksizdik. Sheksizdik degen "sheksizdik" emes!
Tylsym dúnıe de.
Biz bárin dinshil kórgen saıyn
Ateıst bop baramyz.
Jalańash keıipimizdi shylymnyń tútinimen boıaımyz.
...dál qazir,
Mıymnyń ekinshi qyrtysynda "ólim".
...dál qazir,
Dalıdyń kartınalaryn qarap otyryp,
uıyqtap kettippin sheksizdikke.
Valse
Jańbyr astynda turyp,
Tánimizdi tamshylarmen tazartý úshin,
Janymyzdy túnniń melodııasyna balqytý úshin
Sizdi -
sońǵy valske shaqyramyn.
Erinińizden súıý úshin - valske shaqyrdym Sizdi.
Qustarda ushpaıdy, kóbelekter de jalǵyzdyq bıimen tango bıleıdi.
Ǵaıyptan, Siz - bir japyraq qaǵazǵa aınalsańyz
Sol qaǵazǵa armanymdy jazyp,
ózenge aǵyzyp jiberemin.
***
Vechernıaıa serenada
Osy turǵan sátim -
Sel shaıǵan terezelerdiń aıǵyz jasy
Órkenıetke mas bolǵan ǵasyr.
Osy turǵan sátim -
Jazylmaǵan, jazylmaıtyn taǵdyr jazýy sekildi.
Shylym shegýge zaýqym soqpasa da,
shegemin.
Túısik pen tanymnyń taǵdyrlas rýhy sekildi.
Saǵat 00:00-den keıin,
Saǵat 00:00-ge deıin,
Ózimmen túsken jalǵyz sýretke telmiremin.
Osydan basqa jumysym joq qoı endi meniń!
Meıir Orazǵalı,
ShQO , Tarbaǵataı aýdany,
Komsomol aýyly.
Q.A.Iasaýı at. HQTÝ-niń fılologııa fakýltetiniń stýdenti.