Qazaqstan prezıdenti kámeletke tolmaǵan segiz jáne odan kóp balasy bar otbasylarǵa jańa járdemaqy bekitetin zańǵa qol qoıdy. Jańa zań boıynsha segiz jáne odan kóp balasy bar otbasylar burynǵydaı jeti bala úshin emes, ár balaǵa 4 AEK mólsherinde járdemaqy alady
Járdemaqynyń mólsheri "Qazaqstan Respýblıkasynyń keıbir zańnamalyq aktilerine ana men balany qorǵaý máseleleri boıynsha ózgerister men tolyqtyrýlar engizý týraly" zańynda belgilengen.
Endi kópbalaly ana ár balasy úshin 4 AEK (11 112 teńge) mólsherinde járdemaqy alady.
Bıyl 1 qańtardan bastap kámeletke tolmaǵan 4 jáne odan kóp balasy bar otbasylar úshin jańa memlekettik járdemaqy taǵaıyndalǵan bolatyn. Alaıda járdemaqy mólsheri jeti balamen shektelip qalǵan edi.
