Shyǵys Qazaqstanda iri qara maldyń jappaı qyrylýynyń sebebi anyqtaldy

4420
Adyrna.kz Telegram

Maldardyń jappaı qyrylý sebepterin Shyǵys Qazaqstan oblysynyń mamandary aıtty, - dep habarlaıdy "Adyrna"  Tengrinews.kz-ke silteme berip.

Buryn habarlanǵandaı, belgisiz aýrýdyń órshýi Shyǵys Qazaqstan oblysy Úrjar aýdanynyń Kóktal aýylynda tirkelgen bolatyn, belgisiz indetten sáýir aıynyń sońynda 200-den astam sıyr men buzaý qyryldy.

Shyǵys Qazaqstan oblysy Veterınarlyq medıına departamentiniń málimetinshe, mal ólimine birneshe faktor sebep bolǵan. Birinshi sebep pasterellez aýrýy degen kúdik boldy.

«Pasterellez ótkir zoonozdy juqpaly aýrý. Qazir janýarlardyń aýrýyna qatysty anyqtaý sharalary júrgizilýde. Kóktal aýylynda mal aýrýyna baılanysty karantın jarııalandy. Aıtaıyn degenim, pasterellez adamdar úshin qaýipti emes, aýrý janýarlar arasynda taralýda. Vakınaııa júrgizip jatyrmyz. Aýrý meńdegen sıyrlar men buzaýlar indettiń aldyn alý úshin joıyldy », - dedi ShQO veterınarııa basqarmasy veterınarlyq qaýipsizdik bóliminiń bas mamany Nurasyl Káribjanov.

Mamannyń aıtýynsha, taǵy bir sebep, janýarlardyń kútimi bolýy múmkin. Oqıǵa ornyna kelgen memlekettik komıssııa ókilderi sıyr men buzaýlardyń kútim jaǵdaıyna tań qalǵan.

«Janýarlar óte aryq boldy, olardyń álsiregeni sonsha azyq jeı almaıdy. Barlyq aryq maldardan pasterellez bakterııalary tabyldy. Maldardyń aryqtyǵy aýrýdyń órshýine jáne  maldyń ólimine ákelýi múmkin» - dedi Nurasyl Káribjanov.

Belgili bolǵandaı, Kóktalda negizinen Alakólden balyq aýlaıtyn balyqshylar turady. Olar birneshe kún boıy kólge ketedi. Shamasy, dál osy kezde mal qaraýsyz qalǵan. Biraq, polıgonǵa kelgen mamandardyń aıtýynsha, jem-shóp qory kóptegen mal ıeleriniń qoralary  men fermalarynda bolǵan.

Oblystyq veterınarııa basqarmasy sońǵy ret pasterellez Shyǵys Qazaqstan oblysynda ótken jyly tirkelgenin aıtady. Ol kezde Kókpekti aýdanynda bul aýrýdan eki jylqy ólgeni habarlanǵan bolatyn.
Eske sala keteıik, buǵan deıin ólgen mal úshin ótemaqy mólsheri anyqtalǵan edi. Sonymen, iri qara maldyń ár basyna 260 myń teńge, bir jastaǵy janýarǵa 150 myń teńge (2019 jylǵy tól) jáne 50 myń teńge bıyl týǵan jas tólge tólenedi.

Pikirler