Qostanaıda zorlyq kórdim dep shaǵymdanǵan 22 jastaǵy qyzǵa qatysty is tergelip jatyr, - dep habarlaıdy Tengrinews.kz.
Qostanaılyq Laýra Súndet áleýmettik jelilerde belgisiz bireýdiń ony zorlamaq bolǵanyn, saldarynan uryp-soqqanyn jazǵan bolatyn.
"Osy is týraly aıtqym keledi, sebebi maǵan moraldyq jáne fızıkalyq zaqym kórsetildi. Bizdiń polıeıler meni kináli etip shyǵarǵanyn qalamaımyn", - deıdi Laýra.
Polıeılerdiń málimetinshe, bul oqıǵa 10 mamyrǵa qaraǵan túni bolǵan. Sol kúni 8 adam otyrys uıymdastyrǵan.
"Qazirgi ýaqytta sot-medıınalyq saraptama taǵaıyndaldy. Saraptama nátıjesi boıynsha densaýlyqqa keltirilgen zaqym deńgeıi anyqtalady. QR Qylmystyq kodeksiniń 121-baby boıynsha ("Seksýaldyq sıpattaǵy zorlyq-zombylyq áreketteri") sotqa deıingi tergeý bastaldy. Zardap shekken qyzdyń ózi de jaýapkershilikke tartylady. Sondaı-aq, otyrysta bolǵan barlyq adam tótenshe jaǵdaı rejımin buzǵany úshin jaýapkershilikke tartylady", - dedi polıeıler.
Zardap shekken qyzdyń ózi tótenshe jaǵdaı rejımin buzǵanyn moıyndap otyr jáne ol jaýapkershilik tartatynyn aıtady. Biraq er adamnyń da jazalanǵanyn qalaıtynyn aıtady.
Laýranyń advokaty Janar Shapagulovanyń aıtýynsha, zardap shekken qyz Qytaıda jumys isteıdi. Karantın kezinde Qostanaıǵa kelgen.
Laýra aıyptap otyrǵan er adam bolsa qandaı da bir pikir bildirýden bas tartyp otyr.
