"Oqýshylarǵa chıp salynady": mınıstrlik jelide taraǵan aqparatqa túsinikteme berdi

4900
Adyrna.kz Telegram

Densaýlyq saqtaý mınıstrliginiń mamandary Ońtústik Qazaqstanda oqýshylarǵa chıp salynady eken degen habarlamany joqqa shyǵardy, dep habarlaıdy Sputnik Qazaqstan .

Infekııalyq aýrýlardy epıdemıologııalyq qadaǵalaý basqarmasynyń bas sarapshysy Nurshaı Ázimbaevanyń aıtýynsha,  aýdıohabarlama áleýmettik jeliler men messendjerlerde taraǵan. Fotosy da bar. Onda halyqqa jappaı ekpe salý, oqýshylarǵa chıp engizý jaıynda aıtylǵan.

"Qazaqstan Respýblıkasynyń densaýlyq saqtaý mınıstrligi ol aqparattyń shyndyqqa janaspaıtynyn resmı túrde málimdeıdi. Halyqty jalǵan málimetterge senbeýge jáne resmı aqparat kózderinen málimet alýǵa shaqyramyz. Barlyq aqparat mınıstrliktiń resmı saıty men áleýmettik jelidegi paraqshasynda bar", - dedi Ázimbaeva búgingi onlaın brıfıngte.

Osy oraıda bas sarapshy jalǵan aqparat taratqan adamdardyń Qylmystyq kodekstiń 274-baby boıynsha jaýapqa tartylatynyn eske saldy.

 

Pikirler