AQSh Aıdan paıdaly qazbalar óndirý jóninde halyqaralyq kelisim ázirlep jatyr. Oǵan qatysatyn tizimde Reseı joq dep habarlaıdy Reuters agenttiginiń derekkózi.
Qujat "Artemıda kelisimi" (Artemis Accords) dep atalady. Kelisim Aıda paıdaly qazbalar óndiretin "qaýipsiz aımaq" qurýdy kózdeıdi.
Kelisim sonymen birge Aıda óndirilgen kenniń menshik ıesin anyqtaıtyn quqyqtyq baza ázirleýge múmkindik beriledi.
Tramp ákimshiligindegi joǵary laýazymdy sheneýniktiń Reuters agenttigine habarlaǵandaı, AQSh bul kelisimdi ózderi ázirleýdi sheshken. Sebebi BUU-da Aıdy ıgerý óte uzaqqa sozylady dep eseptegen. Óıtkeni onda ǵaryshty ıgerýge qatysy joq elder de bar dep tapqan. Jaqyn ýaqytta AQSh áriptes elderge kelisim mazmunymen tanystyrmaq. Olardyń ishinde Kanada, Japonııa, Birikke Arab Ámirligi jáne Eýropa elderi bar. NASA-nyń bas áriptesi Reseıdi bul jobaǵa tartpaýdy sheshken.
6 sáýirde AQSh prezıdenti Donald Tramp Qurama Shtattarǵa Aıdy, Marsty jáne ózge de aspan denelerin kommerııalyq maqsatta ıgerýge múmkindik beretin jarlyqqa qol qoıdy.
"Roskosmos" muny "ǵarysh keńistigin eksproprıaııalaý" jáne "ózge planetanyń aýmaǵyn basyp alýdaǵy agressıvti jospar" dep ataǵan.
1979 jyly BUU-nyń Bas Assambleıasy qabyldaǵan "Aı jáne ózge de aspan denelerindegi memleketterdiń is-áreketi jónindegi" kelisimde Aıǵa barlyq adamzattyń ortaq ıgiligi degen mártebe berilgen.
Qujatty 18 el bekitken. Biraq arasynda AQSh pen Reseı joq.
sentralasian.org
