Ózbekstan prezıdenti Shavkat Mırzııaev Sardoba sý qoımasyndaǵy bógettiń buzylýyna kináliler kim bolsa da, zań aldynda jaýapqa tartylatynyn eskertti.
Ol bul jóninde úkimet múshelerimen ótkizgen vıdeoselektorlyq jınalys kezinde aıtty.
"Meniń tapsyrmam boıynsha sý tasqynyna baılanysty quqyq qorǵaý organdary tergeý isin bastady. Barlyq kináliler, ol kim bolmasyn zań aldynda jaýap beredi", – dep eskertti ózbek prezıdenti.
Mırzııaevtiń sózinshe, Syrdarııa obdysyndaǵy sý tasqyny ózbekstandyqtar úshin ay sabaq boldy.
"Biz halyqaralyq sarapshylardy shaqyryp, bógettiń qurylysyn tekseremiz. Sol kezde bári belgili bolady", – dedi Shavkat Mırzııaev.
1 mamyrda tańǵa jýyq Syrdarııa oblysyndaǵy Sardoba sý qoımasyndaǵy bóget buzylyp, 22 eldimekendi sý aldy. Ol jaqtan 70 myń adam kóshirildi. Keminde tórt adam qaıtys bolyp, bireýi iz-tússiz joǵalyp ketti.
Sý apatynan Qazaqstan óńiri de zardap shekti. Túrkistan oblysynyń Maqtaral aýdanynda 845 úı, 3 mektep, 5 balabaqsha, 4 medıına ǵımaraty men mádenıet úıi jáne 54,7 km kópir men joldy sý alǵan. Munan ózge 7639 ga egistik sý astynda qaldy.
