Túrkistan oblysynyń basshysy Úkimet saǵatynda Maqtaaralǵa qatysty baıandama jasap, tótenshe jaǵdaı boıynsha atqarylyp jatqan jumystarǵa toqtaldy.
«Aldyn ala jınaqtalǵan málimetter boıynsha kólemi 7639 gektar egistik jerdi sý basqan. Sonymen qatar, mal shyǵyny naqtylanýda. Qazirgi tańda, osy joǵaryda atalǵan shyǵyndardy eseptep jatyrmyz. Naqty shyǵyn kólemi naqtylanyp bolǵan soń, qosymsha baıandalatyn bolady», dedi óńir basshysy.
Málimdemege sáıkes, jalpy 31 606 turǵyn 14 eldi mekennen evakýaııalanǵan edi. Atqarylǵan jumystardyń nátıjesinde 2 eldimeken (Myrzakent, Aqjol) turǵyndary óz úı-jaılaryna qaıta oralyp, jaıǵasýda. Jalpy 6 127 turǵyny bar 5 eldimekendi sý basqan (Jeńis, Jańaturmys, Ferdaýsı, Órgebas jáne Dostyq), 7 eldimekende sý basý qaýpi áli de joǵary.
Bul rette, shuǵyl túrde 2 mamyr kúni Maqtaaral aýdanynda jergilikti aýqymdaǵy tehnogendik sıpattaǵy tótenshe jaǵdaı jarııalanyp, jedel shtab quryldy.
Avarııalyq-qutqarý jumystaryn júrgizý úshin 986 adam, 10 dana júzý qurylǵysy, 180 dana tehnıka jumyldyryldy.
Sonymen qatar, Qyzylorda, Jambyl oblystary men Shymkent qalasynan 30 ónimdiligi joǵary sý jınaǵysh soraptar kelýde.
Budan bólek, Qazaqstan Respýblıkasy Ulttyq Ulanynyń áskerı bóliminen 413 áskerı qyzmetker men 37 dana tehnıka tartyldy. Qosymsha Almaty qalasynan QR Ulttyq Ulanynyń qutqarý batalonynan 320 áskerı qyzmetker men 26 dana tehnıka kelýde.
Atakent kenti men Maqtaral, Jambyl aýyldyq okrýgterinde ashylǵan 19 qabyldaý-evakýaııalaý pýnktine 3200 adam ornalastyrylǵan. Atap óteıik, Myrzakent jáne Aqjol eldimekeniniń turǵyndary úılerine oralýyna baılanysty evakýaııalyq pýnktter sany 24-ten 19-ǵa qysqardy.
«Qabyldaý evakýaııalyq pýnkteri qajetti qural-jabdyqtar men azyq-túlikpen qamtamasyz etilgen. 120 medıına qyzmetkeri medıınalyq kómek kórsetýde. Jetisaı qalasynda da 3 evakýaııalyq-qabyldaý pýnkti ázirlengen. Qajet bolsa evakýaııalanǵan turǵyndardy qabyldaýǵa daıynbyz», dedi Ó. Shókeev.
Kórshiles oblystar men kásipkerler tarapynan túrli kómekter kórsetilip, qoldaý bildirilýde.
Tótenshe jaǵdaı saldarynan búgingi tańǵa, aldyn ala esepteýler boıynsha jalpy 845 turǵyn úıdi, 3 mektepti, 5 bala-baqshany, 4 medıına nysandary men 1 mádenıet úıin, 10 dúkendi sý basty, Jeńis aýylyndaǵy kópirdi (uzyndyǵy 10 metr, eni 6 metr) jáne respýblıkalyq, oblystyq, aýdandyq mańyzy bar 54,7 shaqyrym avtojoldardy sý shaıdy.
Aýdanda qoǵamdyq tártipti saqtaý jáne sý basqan turǵyn úılerdi múlkin qorǵaý úshin (Jańaturmys, Ferdaýsı, T. Jaılybaev (2), Nurlyjol, Iirjar jáne Orgebas, Shuǵyla aýyldarynda) 8 blok beket ornatylyp, polıııa departamentiniń jeke quramynan jalpy 335 qyzmetkeri men 57 arnaıy avtokóligi jumyldyryldy.
Eldimekenderdi sý basýynyń aldyn alý maqsatynda:
Halyqty qulaqtandyrý maqsatynda Maqtaral aýdanynyń 15 eldimekeninde (Jeńis, Jańaturmys, Ferdoýsı, Órgebas, Dostyq, Araıly, Nurlytań, Shuǵyla, Nurlyjol, Jantaqsaı, Aqjol, Myrzakent, Órken, Yrysty, Qaraqyr aýyldary) 38 dabyldy eskertý qurylǵysy ornatyldy.
Nurlyjol, Órgebas, Yrysty, Jantaqsaı eldi mekenderinde bógetter salynyp, Myrzakent kenti baǵytynda Ferdaýsı eldimekeniniń aýmaǵynda 3 kollektor ornatyldy.
Budan bólek, Maqtaaral aýdany aýmaǵynan aǵyn sýdy tez arada shyǵarý maqsatynda Ózbekstan Respýblıkasy tarapynan Jetisaı aýdany, Qoǵaly eldimekeniniń mańynan «ortalyq betpaqdala kollektory» arqyly avtojol kópirin aınalyp ótetin kanal qazyldy.
QazSýshar RKM-niń málimetterine sáıkes, keıbir eldi mekenderde sý deńgeıi ortasha 3-4 sm-ge tómendegeni baıqalady.
Túrkistan oblysy ákiminiń baspasóz qyzmeti
