Maqtaralda taǵy bir aýyldy sý basty. Aýdanda 31 myńnan asa adam evakýaııalandy

3815
Adyrna.kz Telegram
Sý basqan Jańa turmys aýyly. 2 mamyr 2020 jyl.

Maqtaral aýdanynda bir aýyldy sý basty. Aımaqta evakýaııalanǵan adamdar sany 31 myńnan asty dep "Azattyq" radıosy habarlaıdy.

4 mamyr kúni Túrkistan oblysy Maqtaral aýdanynda sý basqan aýyldardan 31 myńnan asa adam qaýipsiz jerge kóshirildi. Aýdandaǵy taǵy bir eldimeken – Dostyq aýyly sý astynda qaldy. Buǵan deıin Jańaturmys, Jeńis, Fırdoýsı, Órgebas aýyldaryn sý basyp qalǵan edi.

Oblys ákimdiginiń málimetinshe, Maqtaralda sý basqan aýyl sany beseýge jetken. On úsh aýyldyń adamdary evakýaııalanǵan. Qazir Maqtaralda qaýipsiz jerge kóshirilgen adamdar sany 31 600 adamnan asqan. Ákimdik habarlamasynda Jetisaı aýdanyna qarasty Qoǵaly aýylynyń 1025 turǵyny da qaýipsiz jerge kóshirilgeni jazylǵan.

Aýdan turǵyndarynyń Azattyqqa aıtýynsha, sý alǵan aýyldardan alyp shyqqan maldar qazir kóshe boıynda júr. Áıelder men balalar týǵan týystary men ákimdik daıyndaǵan ortalyqtarǵa jetkizilgen.

«Sý áli toqtaǵan joq. Áýeli egindikterdi, artynsha aýyldyń ishine kirip jatyr» deıdi Órgebas aýylynyń turǵyny.

1 mamyr kúni Ózbekstannyń Syrdarııa oblysyndaǵy Sardoba sý qoımasy jarylyp, aınalasyndaǵy aýyldardy sý shaıyp ketken. Keıin, 1 mamyr túnde Sardobanyń sýy Qazaqstannyń ońtústigindegi, qazaq-ózbek shekarasynda ornalasqan Abaı kanalyna jetti. Keıin kanal sý arnasynan asyp, Maqtaral aýdanyndaǵy Jańaturmys jáne Jeńis aýylyna sý aldy. Eki aýyldyń turǵyndary evakýaııalandy. Osydan soń Maqtaral aýdanynda tótenshe jaǵdaı jarııalandy. 2 mamyr kúni eki aýyl tolyq sý astynda qalyp, ondaǵy úıler qulaǵan. 3 mamyrda Órgebas pen Fırdoýsı aýylyn sý basyp qalǵan. Eki aýylda sý basqan úılerdiń sany alty júzden asqan.

 

Pikirler