D.Nazarbaevanyń Senattaǵy ókilettigin Q.Toqaev jarlyq arqyly toqtatqannan keıin Qazaqstanda saıasattanýshylarǵa kóńili qatty qalýshylardyń qatary artyp, tipti saıasattaný ǵylymyna kúmándanýshylardyń sany kúrt óskendeı kórinedi. Olardyń qatarynda jýrnalıster de barshylyq sııaqty.
Meniń búgin telegram-kadrovık E.Edılovtiń únsizdiginen “shabyttanyp” jazǵan postyma Nur Otannyń propagandalyq saıtynyń jýrnalısi “Osyny aldyn ala aıtatyn bir saıasattanýshy bolǵan joq, endi bal ashqannan ne paıda? Bilemiz bir jerge baratynyn. Jumyssyz qalmaıdy. Súıtetin shyǵar, búıtetin shyǵar degen sózderdiń pátýasy joq”, dep renjipti. Ol kisiniń kommentine kommentpen shamam kelgenshe jaýap berdim. Ol kisi sııaqty oılaıtyn adamdar Feısbýkte birshama degen oımen sol jaýap-kommentimdi kishigirim ózgertip post túrinde salyp otyrmyn.
Sonymen, Qazaqstanda saıasattanýshylar eldegi saıası proessterge nege dál boljam jasaı almaıdy? Nege saıasattanýshylar D.Nazarbaeva qyzmetinen ketetinin aldyn ala boljaı almady?
Birinshiden, fızıka men demokratııa zańdary jumys istemeıtin elde, "saılaýlar" 4-5 jylda dlıa galochkı ótetin elde statıstıkalyq model arqyly saıası boljam jasaý múmkin emes. Ol – saıasattanýdyń kinási emes. Oǵan az ǵana toptyń memlekettik bılikke monopolııa ornatýy, saıası júıeniń jabyqtyǵy kináli. Ony memlekettik BAQ-tyń jáne Nur Otanǵa tıesili medıanyń jýrnalısteri menen jaqsy túsinedi dep oılaımyn. Sosyn prezıdenttiń ózi ǵana sheshe alatyn kadrlyq taǵaıyndaýlarǵa ǵylymı ádis-tásilder arqyly dál boljam jasaý demokratııalyq elderdiń ózinde múmkin emes. Al ondaı boljam jasalǵan kúnniń ózinde ony akademııalyq bilimi bar saıasattanýshy ǵalymdar jasamaıdy. Ony aýzym bar dep sóıleı beretin, belgili bir saıası partııanyń múddesin qoldaıtyn pundits (saıası kommentatorlar) jasaıdy.
Ekinshiden, bıliktegi rotaııa týraly sóz qozǵaý ár azamattyń quqyǵy. Ol taqyryp týraly qandaı post jazatynyn árkim ózi sheshedi. Ol úshin “memleketshil” saıasattanýshy nemese "dıvannyı krıtık", jýrnalıst nemese propagandıst-jýrnalıst bolý mindetti emes. Meniń bilýimshe, sóz bostandyǵy týraly bapty konstıtýııadan áli eshkim alyp tastaǵan joq.
Úshinshiden, saıasattanýshylarǵa “eldegi kadr saıasaty jáne bılik tranzıtine durys boljam jasaı almaısyńdar” degen biraz adamnyń renishi bar sııaqty kórinedi. Ol renishti Qazaqstannyń qazirgi jaǵdaıynda saıası boljam jasaýǵa qajet aqparatqa qoly jetetin elıtolog E.Edılovke, Nur Otannyń shtatnyı polıtologtary O.Selteevke, A.Sarymǵa, E.Karınge, E.Saırovqa jáne t.b. "memleketshil" saıasattanýshylarǵa aıtqan jón bolar. Olardan "Nege D.Nazarbaeva qyzmetinen ketetinin aldyn ala boljaı almadyńyz?" dep suraý asa qıyn sharýa emes dep oılaımyn. Osy suraqty ol kisilerge qoıyp, tushymdy jaýap alyp, pátýaly sóz qozǵaýǵa bolady dep senemin.
