Jambyl oblysy Sortóbe aýylynyń turǵyndary 27 jastaǵy Marat Iýnhý men onyń 60 jastaǵy ákesi Ersmane Iýnhýǵa aqsaqaldy uryp-soqty degen aıyp taǵylǵan.
"Jolda bóget bolyp turǵan Marat Iýnhýdy kórgen Nurlan Qudashbaev toqtap, kólikten shyqqan. Marat Nurlanǵa balaǵat sózder aıtyp, mashınanyń aldyńǵy bamperinen birneshe ret tepken. (...) Marat eki qolymen Nurlandy kıiminen ustap, ózine qaraı tartqan. Sol kezde Marattyń inisi olarǵa jaqyndap, óziniń aǵasyn janǵa qaraı ıterip jiberdi. Sodan keıin ol Nurlanǵa jaqyndap, art jaǵynan qushaqtap, olardy ajyratý úshin basqa jaqqa súıreı bastaǵan", - delingen is materıalynda.
"Marat osy sátti paıdalanyp, Nurlannyń betinen birneshe ret urǵan. Ne bolyp jatqanyn kórgen Marlen olarǵa jaqyndap, ajyrata bastaıdy. Alaıda Marat Marlenniń betine eki ret soqqy jasaıdy. Sodan keıin tóbeleske Tólegen Qudashbaev aralasyp, olardy ajyratýǵa tyrysady. Sol tusta Ersman kelip, aqsaqaldyń qabyrǵa astynan balǵamen urady. Marat ákesiniń artynan Tólegen ataǵa júgirip kelip, onyń ishinen tepken. Kýdashbaev avtojoldyń shetine qulady, onyń sany synǵan. Aǵaıyndy Qudashbaevtar ákesine kómektesýge tyrysqanda, Marat Marlenniń basynan taspen urǵan.
Iýnhý men Qudashbaevtardyń tóbelesi
Sotta Marat Iýnhý kinásin moıyndamady.
"Men Nurlany tynyshtandyrý úshin ony silkileı bastadym. Sol kezde bizge Marlen kelip, jelkemnen urdy, al men Marlenniń basynan birneshe ret urdym. (...) Tólegen Qudashbaev kelip, taıaǵyn silteı bastady. Sol kezde Tólegen atany shyntaǵymmen ıterip jibergenmin, ol qulap qaldy. Artynsha polıeı kelip, kólikke otyrǵyzdy da, polıııa bólimine jetkizdi. Marlenniń basyn taspen urǵan joqpyn", - dedi ol sotta.
Onyń ákesi Ersmane Iýnhý da kinásin moıyndaǵan joq.
"Tólegen Qudashbaev taıaǵyn siltep, balalarymnyń basynan ura bastady. Artynsha aqsaqal jerden tas alyp, balalaryma laqtyrǵysy keldi, biraq ózi qulap qaldy. Men oǵan kómekteskim kelgende, Nurlan men Marlen júgirip kelip, Tólegen ataǵa jaqyndatpady. Qolyma balǵa bolǵan joq, Qudashbaevty balǵamen urmadym", - dedi sot Ersmane Iýnhý.
Sot aıyptalýshylardyń, jábirlenýshiler men kýágerlerdiń aıǵaqtaryn taldaı otyryp, aıyptalýshylar Marat pen Ersmane Iýnhýlardyń aıǵaqtaryna synı kózqaraspen qarady jáne olardy qorǵanystyń tańdaýly ádisi retinde qarastyrdy. Jábirlenýshi Qudashbaevtardyń aıǵaqtaryna qatysty sot ony "sotqa deıingi tergeý kezinde rastalǵanyn, olardyń dáıekti jáne turaqty bolǵanyn" aıtty.
Sotta Nurlan Qudashbaev aıyptalýshylardan moraldyq shyǵyn (1,5 mıllıon teńge) óndirip alýdy surady. Onyń aǵasy Marlen Qudashbaev ta úsh mıllıon teńgeni óndirip alýdy ótindi, óıtkeni ol keltirilgen zalaldan "búginge deıin kútim qajet etetinin" aıtty. Olardyń ákesi Tólegen Qudashbaev aıyptalýshylardan tórt mıllıon teńge óndirip alýdy surady, sebebi keltirilgen zalaldan "ol osy ýaqytqa deıin ózdiginen júre almaı, kútim men emdelýdi qajet etetinin" málimdedi.
Sot is materıaldaryn teksergen soń soń, Marat Iýnhýdy eki jyl alty aıǵa bas bostandyǵynan aıyrdy, ol jazasyn kúsheıtilgen rejımdegi mekemede ótkizdi. Ersmane Iýnhý eki jyl alty aıǵa bas bostandyǵynan shekteldi. Sottalǵandar Tólegen Qudashbaevqa eki mıllıon teńge, Marlen men Nurlanǵa 500 myń teńgeden tóleýi kerek.
Eske salaıyq, oqıǵa 5 aqpanda Sortóbe aýylynda bolǵan. IIM málimeti boıynsha, Qordaı aýdanynda bolǵan jappaı tóbeleske osy oqıǵa sebep bolǵan.
Qaqtyǵysta 11 adam qaza taýyp, 185 adam zardap shekken, onyń 34-i aýrýhanaǵa jetkizilgen. Osy oqıǵa saldarynan 39 turǵyn úı, 20 kommerııalyq nysan men 47 avtokólik órtenip ketken.
