Bas sanıtar Aıjan Esmaǵambetova mamyrdyń aıaǵyna deıin koronavırýs juqtyrǵandardyń sany 5 300-ge jetedi dedi.
"Jalpy Qazaqstan boıynsha sáýir aıynyń sońyna deıin 3400 jaǵdaı tirkeledi dep boljap otyrmyz. Al mamyr aıynyń sońyna deıin 5 300 naýqas bolýy múmkin. Osyǵan deıin aıtqanymdaı jaǵdaılardyń kóbi syrttan kelgenderden tirkelip jatyr. Sońǵy eki aptada ondaı 200 jaǵdaı tirkeldi. Bul kórsetkish syrtqy qaýipti bildiredi, biraq ishki emes", - dedi bas sanıtar .
Aıjan Esmaǵambetova buǵan deıin indet juqtyrýshylar 4 000-ǵa jetýi múmkin ekendigin aıtqan edi.
Qazirgi epıdemıologııalyq jaǵdaı boıynsha koronavırýs ınfekııasyn juqtyrǵan taǵy 27 adam tirkeldi.
Qazirgi ýaqyttaǵy derek:
Nur-Sultan qalasy boıynsha 616 adam,
Almaty qalasynda – 927,
Shymkent qalasynda – 189,
Aqmola oblysynda – 98,
Aqtóbe oblysynda – 65,
Almaty oblysynda – 122,
Atyraý oblysynda – 131,
Shyǵys Qazaqstan oblysynda – 17,
Jambyl oblysynda – 116,
Batys Qazaqstan oblysynda – 130,
Qaraǵandy oblysynda – 142,
Qostanaı oblysynda – 45,
Qyzylorda oblysynda – 187,
Mańǵystaý oblysynda – 45,
Pavlodar oblysynda – 122,
Soltústik Qazaqstan oblysynda – 30,
Túrkistan oblysynda – 124, jalpy 3105 naýqas tirkeldi.
