Eki ne odan da kóp jerde jumys isteseń de 42 500 teńgeni qalaı alýǵa bolady?

10078
Adyrna.kz Telegram

Kún saıyn 42500.enbek. saıtyna áleýmettik tólemderge ótinim berýden basqa, azamattardyń áleýmettik tólemdi alýǵa qatysty suraqtary myńdaǵan ótinishter kelip túsedi.

2020 jylǵy 24 sáýir kúngi jaǵdaı boıynsha https://42500.enbek.kz saıtyna  shamamen 232 myń ótinish túsken. Onyń ishinde 23 sáýirde qazaqstandyqtar 25 myńnan astam ótinish joldaǵan. Búginde 20 myńnan astam ótinish berýshige jaýap berildi.

Eńbek jáne halyqty áleýmettik qorǵaý mınıstrliginiń «Eńbek resýrstaryn damytý ortalyǵy» AQ qyzmetkerleri 42500.enbek.kz saıtyna kelip túsken árbir ótinishti jiti qarap, azamattarǵa ótinim berý kezinde jiberilgen qatelikterdi túzetýge kómektesedi.

Ortalyq mamandary «Memlekettik áleýmettik saqtandyrý qory» AQ azamattarǵa eki ne odan da kóp tabys kózderiniń bolýyna baılanysty 42 500 teńge tóleýden bas tartqan jaǵdaıda qaıda jáne qandaı qujattar jınaý keregi týraly aıtyp berdi.

- Azamat ótinimdi jibergen kezde, júıe ony arnaıy baza boıynsha tekseredi de, onyń eki ne odan da kóp uıymdardan túsken tabysy bar ekenin birden kóredi. Belgilengen ereje boıynsha mundaı azamattarǵa júıe avtomatty túrde áleýmettik tólem tóleýden bas tartady. Eger azamat qos jumys ornynan da tólenbeıtin eńbek demalysyna shyǵyp, tabysynan aırylǵan bolsa, ol memlekettik kómek ala alady. Osyndaı jaǵdaıǵa tap bolǵan adamǵa eki jumys ornynan da anyqtama alyp, olardy tirkep, Memlekettik áleýmettik saqtandyrý qoryna ótinish jazý keregin aıtamyz, - deıdi ortalyq mamany Janbolat Danııarov.

Esterińizge salsaq, QR Úkimeti 42 500 teńge áleýmettik tólemdi alýǵa qatysty azamattardyń ótinishterin (aryzdaryn) qarastyratyn 3 mekemeni anyqtaǵan bolatyn. Olar:

1) «Azamattarǵa arnalǵan úkimet» AQ-nyń 1414 call-ortalyǵy, onda zańnamalyq keńes usynylady, ótinish bergen adamnyń mártebesi jáne áleýmettik tólemder alý quqyǵy, sondaı-aq tólemdi júzege asyrý týraly aqparat aıqyndalady;

2) 1411 call-ortalyq, 42500@gfss.kz el.poshta «Azamattarǵa arnalǵan úkimet» AQ korporaııasynyń MÁSQ-men tikeleı jumys isteıtin azamattarǵa tólem taǵaıyndaý, tólemniń keshiktirilý sebepteri jáne bas tartý týraly aqparat beriledi;

3) QR Eńbek jáne halyqty áleýmettik qorǵaý mınıstrligiń 42500.enbek.kz saıty, 42500@enbek.kz el.poshtasy, bul saıt jáne poshtada  azamattarǵa áleýmettik tólem taǵaıyndaý boıynsha barlyq máseleleri qarastyrylady.

"Adyrna" ulttyq portaly

Pikirler