"Teńizshevroıl" vahta jumysshylary "vırýs juqtyrǵandardy" ákelýge qarsylyq bildirdi.
Atyraý oblysynyń Jylyoı aýdany aýmaǵyndaǵy "Teńizshevroıl" kompanııasynyń vahtalyq poselkesindegi "Bolashaq" lageriniń jumysshylary lager aýmaǵyna "koronavırýs juqtyryp, karantınde jatyp shyqqan" adamdardy ákelýge narazylyq tanytty. "Teńizshevroıl" kompanııasynyń baspasóz qyzmeti, olardyń vahta aýysymy bitip, ketip bara jatqan qyzmetkerler ekenin, koronavırýs juqtyrmaǵanyn aıtady.
"Teńizshevroıldyń" vahtalyq jataqhanasyndaǵy jumysshylar narazylyǵy 19 sáýirde tún ortasynda Facebook áleýmettik jelisi arqyly tarady. Vıdeo túsirip, ári kommentarıı jasap turǵan adam "Bul - Tenizdiń "Bolashaq" jataqhanasyndaǵy aıqaı-shý. Emdelip, karantınde jatyp shyqqan adamdar kórinedi" deıdi.
Vıdeoda narazy jumysshylardyń "Qabyldaý bólmesi" dep jazylǵan ǵımarattyń aldynda narazylyq bildirip turǵany baıqalady.
"Teńizshevroıl" kompanııasynyń baspasóz hatshysy Erlan Islıamovtyń Azattyqqa aıtýynsha, "Bolashaq" lagerinde vahtalyq aýysymmen jumys istep jatqan adamdar jaǵdaıdy durys túsinbegen. Jumysshylar "ekspress testileýden ótip, "Bolashaqtaǵy" blok ishinde úılerine ketetin kólik kútip otyrǵan ártúrli merdiger mekemelerdiń qyzmekterlerin "koronavırýs juqtyrǵandar" dep oılaǵan".
- Alańdaıtyn eshteńe joq. Olar koronavırýs juqtyrǵandarmen qarym-qatynasta bolmaǵan adamdar jáne endigi úılerine ketip te qaldy. Naqty sanyn aıta almaımyn. Mán-jaıdy túsindirgen soń jumysshylar tarap ketti, - dedi ol.
Buǵan deıin "Tengızshevroıldyń" "Vaternas" vahtalyq poselkesinde bir adamnyń vırýs juqtyrǵany belgili bolǵan edi. Bul týraly Atyraý oblystyq ákimdiginiń ishki saıasat basqarmasynyń bastyǵy Jasulan Bısembıev óz paraqshasynda TShO-nyń resmı jaýabyn jarııalady. Onda 17 sáýirde Teńizde vahtalyq aýysymmen jumys istep jatqan qyzmetkerlerdiń biriniń sýyq tıgenge uqsaıtyn belgilermen vahtalyq poselkedegi medıına bólimshesine shaǵymdanǵany aıtylǵan. 19 sáýirde alynǵan test qorytyndysy onyń COVID-19 vırýsyn juqtyrǵanyn rastaǵan.
"Ol jumysshy qazir Atyraý qalasyndaǵy ınfekııalyq aýrýhanada emdelip jatyr. Ol júrgen ǵımarat tolyq dezınfekııalandy. TShO-daǵy óndiristik jumystar istep tur» deıdi baspasóz habarlamasynda.
"Teńizshevroıl" kompanııasy Atyraý oblysyndaǵy Qazaqstannyń iri ken oryndarynyń biri - Teńiz kenishin 1993 jyldan beri ıgerip keledi.
"Azattyq" radıosy
foto ashyq ınternet kózinen
