AQSh Dúnıejúzilik densaýlyq saqtaý uıymyn qarjylandyrýdy toqtatty

2777
Adyrna.kz Telegram
AQSh prezıdenti Donald Tramp.

AQSh prezıdenti Donald Tramp qaramaǵyndaǵylarǵa koronavırýs indeti tóńiregindegi jaǵdaıǵa baılanysty Dúnıejúzilik densaýlyq saqtaý uıymyn qarjylandyrýdy toqtatýdy tapsyrdy.

14 sáýirde Tramp DDSU "negizgi mindetin atqara almady jáne sol úshin jaýap berýi tıis" dep málimdedi. Aq úıde bolǵan brıfıng kezinde Tramp Vashıngton "basqarmanyń jibergen qatelikterin anyqtap bolǵansha" eki-úsh aı uıymdy qarjylandyrmaıdy dedi. Prezıdenttiń pikirinshe, BUU qurylymyna qarasty uıym Qytaıdan túsken habarlamalardy muqııat zerttegen bolsa, indettiń taralýyna jol bermeı, talaı adamnyń ómirin saqtap qalar edi.

Al BUU-nyń bas hatshysy Antonıo Gýterrısh qazir koronavırýspen kúresip jatqan kez kelgen gýmanıtarlyq uıymdy qarjylandyrýdy toqtatyn mezgil emes dep aıtty. Ol arnaıy málimdeme taratyp, halyqaralyq qaýymdastyqty koronavırýspen birigip kúresýge shaqyrdy.

Djon Hopkıns ýnıversıtetiniń málimeti boıynsha, sońǵy bir kúnniń ishinde AQSh-ta 2 228 adamnan koronavırýs tabylǵan. Elde 600 myńnan astam adamǵa vırýs juqqan, 25 700-den astam adam qaıtys bolǵan. Bul álem boıynsha eń joǵary kórsetkish.

"Azattyq" radıosy

Pikirler