Qazaqstan! Jarastyǵymyzdyń da, jaqsylyǵymyzdyń da, tynyshtyǵymyzdyń da qııasy, mahabbatymyzdyń uıasy - Qazaqstan! Talaı-talaı qas batyrlar janyn qıyp, qasyq qany qalǵansha kúresken, talaı názik jandy arýlarymyz qurban bolǵan, talaı ózek órter zardaptar men kózge eriksiz jas uıalatar qýanyshty sátterdiń kýási bolǵan Otanymyz - Qazaqstan!
Qazaqstan - keń baıyrly, kóp ultty, barshaǵa qushaǵyn jaıa ashqan, beıbit, táýelsiz memleket. Bizdiń ǵalamat jerimizde san dáýirdiń sarabdal shejiresi jatyr. Bizdiń jerimizde ne bolmady deseńizshi?! Bizdiń halqymyz ne kórmedi?! Bizdiń elimiz ult bolyp, memleket bolyp, kók týymyz ashyq aspanda jelbirep, ánuranymyz sharyqtaı aıtylyp, táýelsiz el bolyp qalyptasqanymyz Qazaq Ultynyń, Halqynyń jemisi. Elbasymyz N.Á.Nazarbaevtyń: «Búgingi bizdiń táýelsizdigimizdiń qaınar kózi qazaq halqynyń san ǵasyrlar boıy kúresinde, azattyqqa umtylǵan qaısarlyǵynda jatyr» degen sózi bar. Osy ýaqytqa deıingi jerimizde bolǵan oqıǵalardy satylap aıtar bolsaq, shegine jete almaspyz, sirá. Halqymyzdyń órligi men erligi bizdiń ulan ǵaıyr jerimizdi búgingi urpaqqa, bizge, jetkizdi. Qaısar da batyr halqymyz bizge osynaý beıbit zamandy tartý etti.
Men sheksiz, shetsiz, asyl dúnıelerge baı, kıeli de shyraıly jerim úshin, qaısar, batyr, batyl, rýhanı qazynaǵa baı elim úshin qazirden-aq eńbek etýge daıynmyn! Qazirgi tańda Qazaqstan túrli salada qaryshtap damý ústinde. Mádenıetimiz ósip, tarıhymyz tazalanyp, sózdik qorymyz molaıyp, jyldan jylǵa kórkeıip, órkendep kelemiz. Elbasymyz ben Prezıdentimizdiń bastaýymen biz áli de bıik belesterdi baǵyndyratynymyzǵa men kámil senemin!
Jas urpaq, bizge artylǵan senim men úmit mol. Elimizdiń kez-kelgen azamaty elin súıse, eldiń damýyna árqaısysy ózinshe úles qossa, elimiz álemge tanylyp, jahandaný dáýirindegi alpaýyt memleket bolarymyz haq. Ózimizge artylǵan senim men úmitti abyroıly atqaryp shyǵýymyzǵa tilektespin, jas dos!
Qaraılap kók aspanǵa jarqyraǵan
Jer betinde kózderinen jas tamǵan
Osynaý qıyn kezden saparlatyp
Jetti-aý halqym, Táýelsizdik basty arman.
Qıyndyq, bosyp ketý boldy zaman,
Halqymyz araılaǵan tańdy ańsaǵan.
Erlik pen eldikti saqtaý úshin
Talaı qazaq bul jolda boldy qurban.
Elimniń nári boldy, kózi boldy
Eltańbasy, óziniń týy boldy.
Tebirene tolqytyp shyrqalatyn
Ánurany qashanda bıik boldy.
Táýelsizdik- elimniń erlik joly,
Babamnyń salyp ketken teńdik joly.
Qasterlep, qasıetteý bul uǵymdy
Bizdegi basty mindet, senim joly.
Meniń halqym erjúrek, qaısar, batyr,
Qanyma singen meniń ár jahuty.
Ár sózi kól kósir bolsa naqyl
Orny tolmas jas urpaqtyń baqyty.
Men elimdi, jerimdi, halqymdy , tilimdi súıemin. Eń bastysy Qazaqstan dep soqqan júregimdi súıemin!
Mılena Kamelova,
Ál Farabı atyndaǵy QazUÝ Fılologııa jáne álem tilderi fakýltetiniń stýdenti
ǵylymı joba jetekshisi F.Qozybaqova,
Ál-Farabı atyndaǵy Qazaq ulttyq ýnıversıteti tarıh jáne arheologııa, etnologııa fakýltetiniń Qazaqstan tarıhy kafedrasynyń professory.
