Bizdiń ókimet Qytaıǵa narazylyq Nota berdi. Óte durys! Elimizdiń tutastyǵyna, táýelsizdigine qarsy aıtylǵan qytaı basylymdarynyń árbir sózi resmı ókimetiniń pozıııasy retinde tanylýy tıis. Sebebi, QHR-da barlyq medıa quraldary Kompartııanyń qatal enzýrasy aıasynda qyzmet etedi. Qytaı ókimeti resmı túrde ruqsat bermegen eshbir maqala jaryqqa shyqpaıdy. Saıası ıdeologııalyq tártip solaı. Qazaqstannyń derbestigin ydyratýǵa baǵyttalǵan, otarlyqty nasıhattaǵan "Sohý" saıty - Qytaı ókimeti men ortalyq partııa komıtetiniń resmı organy. Sol sebepten bizdiń SIM narazylyq Notasyn berýi zańdy áreket. Qazir bázbireýler "Qytaıǵa beker nota berildi, endi, Qytaıdy biz synasaq, olar bizge qarsy nota beredi, aýyzymyz jabylatyn boldy" degendeı bos baıbalam salyp jatyr. Múlde olaı emes. Bizdiń Konstıtýııa boıynsha enzýraǵa tıym salynǵan, sóz bostandyǵyna kepildik berilgen. Sondyqtan, Qytaı turmaq óz ókimetimizdi de synaı alamyz. Tek jala jappasaq boldy. Meıli, "Altaı, Tarbaǵataı, Sháýeshek, Kúıtin - bizdiń jerimiz, Shyǵys Túrkistan - Qazaqstannyń quramdas bóligi" dep tarıhshylarymyz aıtyp jatsa da túbi shyndyqqa janasady. Oǵan qaı qytaıdyń talaǵy tars aıyrylsa da tarıhı aqıqatty joqqa shyǵara almaıdy. Bul jerdegi aıyrmashylyq orasan. Eger bizdiń elde Qytaıǵa qarsy shyndyqty áshkere etip "Egemen Qazaqstan" men "Kazpravda" maqala jazsa, ókimettiń resmı pozıııasy dep qarastyryp, olardyń nota joldaýy yqtımal. Al, basqalarǵa ondaı talap júrmeıdi. Biz ásirese, memlekettik emes árbir medıa quraldary bul jerde óz elimizdiń Konstıtýııasyn negizge ala otyryp Qytaı "á" dese, "má" deı berýimizge tolyq qaqylymyz. Sondyqtan, bul joly bizdiń ókimet tapsyrǵan notany betaldy talqylap oǵan jaǵymsyz baǵa berýdiń esh qajeti joq. Narazylyq nota resmı túrde durys tapsyryldy.
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз