"ASSYLTAS" 200 otbasyǵa járdemdesedi

3528
Adyrna.kz Telegram

ASSYLTAS qoǵamdyq qory elimizdegi jarııalanǵan tótenshe jaǵdaıǵa baılanysty qıyndyqqa tap bolǵan 200 otbasyny iriktep alyp, 25 000 teńgeden qarjylaı kómek úlestirmek. Olar kópbalaly otbasylar men jalǵyzbasty analar jáne ákeler.

3 kún buryn qordyń bastamasymen qaıyrymdylyq akııasy bastalyp, halyqtyń kómegi arqyly 1 236 768 teńge jınalǵan. Qarjy jınaýǵa 351 adam járdemdesken. Bastapqyda ýáde etilgendeı, ASSYLTAS qoǵamdyq qory jınalǵan qarjyny eki eselep, taǵy 100 otbasyǵa kómek qolyn sozatyn boldy.

«Úsh kún buryn biz bul akııany bastaǵan kezde qansha aqsha jınalsa, ústine sonsha qarjy bóletinimizdi aıtqanbyz. Halyqtyń yqylasy keń eken, qaıyrymdy jandardyń arqasynda biz endi mine 100 otbasyǵa kómektese alamyz, ótinishterdiń kóptigine baılanysty qor quryltaıshysy Dýlat Tastekeevpen keńese kele, bizdiń qor taǵy 100 otbasyǵa qarjylaı kómektespek. Iaǵnı, 200 otbasyǵa 25 000 teńgeden úlestiremiz»,- dedi ASSYLTAS qoǵamdyq qorynyń jetekshisi R.Oqas.

Kómek alý úshin qoǵamdyq qordyń elektrondy poshtasyna 1000-nan astam hat kelip túsken. Qor qyzmetkerleri aldaǵy 3 kúnde ótinishterdi qarastyryp, muqtaj 200 adamnyń tizimin jasaıdy.

Aıta keteıik, ASSYLTAS qoǵamdyq qory 2018 jyly qurylǵan. Qor mádenıet, óner, sport salalaryn qoldaýmen, kópbalaly analarǵa járdem kórsetýmen aınalysady.

Atalmysh qor, Qanat Islam, Jánibek Álimhanuly, Erasyl Qajybaev syndy tanymal sportshylardyń demeýshisi bolǵan. Jyl saıyn qordyń uıytqy bolýymen respýblıkalyq aqyndar aıtysy ótkizilip júr.

Eki jyldan beri ASSYLTAS stıpendııasy sport, ǵylym, jýrnalıstıka jáne ádebıet salasynda júrgen azamattarǵa taǵaıyndalýda.

Qazirgi tańda, qordyń qarjylandyrýymen Semeı qalasyndaǵy Ortalyq meshittiń qurylysy júrip jatyr.

Pikirler