Taǵy da Ekibastuz!
Taıaýda ǵana «Adyrna» ulttyq portalynda Ekibastuz qalasynyń aty bir shyqqan edi. Onda qala ákiminiń orynbasary Gúljan Qadyrbaevanyń elimizde aty jaman aýrý shyǵyp, jurt kóńili eleń-alań otyrǵan shaqta Mysyr eline demalysqa attanǵanyn jazyp edik. Sol kúni-aq Ekibastuz qalasy ákiminiń baspasóz qyzmeti atalǵan máselege qatysty resmı jaýap bergen edi. Hatta bylaı jazylǵan:
«Gúljan Qadyrbaeva óziniń kezekti eńbek demalysy kezinde Mysyrǵa barǵany shyndyq. Demalysqa ótinish jazý, demalys týraly ókim shyǵarý jáne onyń ushyp shyǵýy- elde tótenshe jaǵdaı engizilgenge deıingi kezeńge keldi. Iaǵnı, sol kezde barlyq áýe qatynastary ashyq boldy jáne elden shyǵýǵa tyıym salynǵan joq.
Qazaqstanǵa kelgen boıda, Gúljan Qadyrbaeva indetke qarsy barlyq sharalardy qatań qadaǵalap, koronavırýs ınfekııasy synaǵynan ótti. Nátıjesi - teris.
Degenmen, Ekibastuz qalasynyń basshylyǵy sizdiń redakııańyzdyń jáne sizdiń oqyrmandaryńyzdyń atalǵan sapar jóninde alańdaýshylyǵyn bólisedi, sondaı-aq, aldaǵy ýaqytta óz eńbek demalystaryn josparlaýda saq bolýǵa jáne mundaı jaǵdaılardy eskerýge ýáde etedi».
Álbette, hatta ákim orynbasarynyń shetelge qaı kúni ushyp, qaı kúni kelgeni naqty kórsetilmegen (odan kópshiliktiń kóńilinde kúmán qalǵanyna daý joq). Biraq ol qalaı bolǵanda da elde koronavırýs juqtyrǵan adam tirkelip, halyq kóńiline alań kirgen kez edi. Jurt «kúnimiz ne bolar?» dep otyrǵanda jáne aýrý shetelden kelip jatqanda laýazymdy tulǵanyń óz janynyń rahatyn oılap, shetelge tura shapqany birtúrli kórinbeı qaıtsin?!
Bizdi sol hattaǵy «mundaı jaǵdaılardy eskerýge ýáde etedi» degen joldar qýantyp edi. Ákimdik ýáde etse, qalaı senbessiń?! Biraq keshe keshkisin qala ákimdiginiń Feısbýk jelisindegi resmı paraqshasy - «Ekibastuz Time» akkaýntynda jarııalanǵan aqparat kóńilimizdi sýdaı basty: «Ývajaemye ekıbastýzy! Dlıa vashego ýdobstva v entre zanıatostı naselenııa akımata goroda ı v gorodskom entre kýltýry «Óner» otkryty pýnkty prıema ı konsýltaıı po polýchenııý dopolnıtelnyh soıalnyh vyplat v razmere odnoı mınımalnoı zarabotnoı platy (42500 tg). Vremıa raboty pýnktov: s ponedelnıka po pıatnıý s 9.00 do 17.00 ch. V sýbbotý ı voskresene s 10.00 do 17.00 ch».
Pavlodar oblysynda búgingi tańda tórt adam koronavırýs juqtyryp, onyń bireýi qaıtys bolǵany aıan. Al elimizde adamdardyń toptasyp jıylýyn boldyrmaý úshin barlyq memlekettik jáne basqa da qyzmetter onlaın rejimge kóship ketti. Soǵan qaramastan Ekibastuz qalasy ákimdiginiń bulaısha pysyqsyǵanyna jol bolsyn?!
Bul degenimiz – adamdardyń toptasýyn qoldan uıymdastyrý, adamdardy, onyń ishinde ákimdik qyzmetkerlerin de bıliktiń qolymen qaýipke ıtermeleý. Búkil el «Biz úıdemiz» naýqanyn jarııalap jatqanda, Ekibastuz ákimdiginiń bul qaı sasqany?! 42500 teńge adam janynan qymbat bolǵany ma?!
Asýan Taıjan,
Pavlodar oblysy
