Prezıdent áleýmettik tólemdi tek shyn máninde kómekke zárý jáne tótenshe jaǵdaıda qarjylaı qıyndaqqa tap bolǵan azamattarǵa ǵana berý kerektigin qadap aıtty
Prezıdent Qasym-Jomart Toqaev halyqqa 42 500 teńgeni taratý jumysyna kóńili tolmaıtynyn aıtty, dep habarlaıdy Sputnik Qazaqstan.
Osy ýaqytqa deıin áleýmettik tólemge ótinish bergen azamattardyń sany 1,7 mıllıon adamǵa jetti. Olardyń basym bóligi elektrondy túrde ótinim joldaǵan.
"Alaıda áleýmittik tólemdi taratý mehanızminiń tolyǵymen daıyn bolmaǵanyn ashyq aıtýymyz kerek. Vedomstvonyń shuǵyl sheshimderi "jol-jónekeı" qabyldandy. Ortalyq jáne jergilikti memlekettik organdardyń túsindirý jumystary da kóńil kónshiterlik emes", - dedi Toqaev tótenshe jaǵdaı jónindegi memleketti komıssııanyń búgingi otyrysynda.
Memleket basshysynyń aıtýynsha, túsindirý sharalary durys júrgizilmegennen keıin árkim árqalaı qabyldady, halyq arasynda túsinpeýshilik paıda boldy.
"Adamdar óz densaýlyǵyna qaýip tóndirip, bankterde esepshot ashamyz nemese biryńǵaı jıyntyq tólemdi jasaımyz dep uzyn-sonar kezekte turýǵa májbúr boldy. Osyǵan baılanysty úkimet shuǵyl túrde 42 500 teńgeni alýdyń naqty mehanızmin ázirlep, barlyq buqaralyq aqparat quraly men áleýmettik jelide shyǵarýy tıis. Árbir adam úıden shyqpaı, memlekettiń kómegin alýy kerek", - dep atap kórsetti Toqaev.
Osy oraıda prezıdent áleýmettik tólemdi tek shyn máninde kómekke zárý jáne tótenshe jaǵdaıda qarjylaı qıyndaqqa tap bolǵan azamattarǵa ǵana berý kerektigin jetkizdi. Al osy jaǵdaıdy paıdalanyp, alaıaqtyq jasaıtyndardy kópshiliktiń aldynda aıyptaý qajet.
