Foto: Turar Qazanǵapov
Pavlodar oblysynda koronavırýstan bir adam kóz jumdy, - dep habarlaıdy Tengrinews.kz .
"Pavlodar oblysynda koronavırýs indetinen bir naýqas kóz jumdy. Naýqas 1936 jyly dúnıege kelgen. Marqum - Pavlodar qalasynyń turǵyny, ol 8 sáýirde "ortasha aýyr deńgeıdegi aýrýhanadan tys polısegmentarlyq pnevmonııa, ÓOSA" dıagnozymen aýrýhanaǵa túsken. Kelesi kúni er adamnyń koronavırýsqa tapsyrǵan synamasy oń nátıje kórsetti. Er adam 2016 jyly "bronh astmasy", "ókpeniń obstrýktıv sozylmaly aýrýy" (ÓOSA), "júrektiń ıshemııalyq aýrýy", "úshinshi dárejedegi arterıalyq gıpertenzııa" jáne "kókirek terisiniń qaterli isigi" dıagnozdarymen esepte turǵan", - delingen habarlamada.
Pavlodarda koronavırýs anyqtalǵan taǵy bir naýqas 1981 jyly dúnıege kelgen. Ol 8 sáýirde juqpaly aýrýlar aýrýhanasyna jatqyzylǵan. Onyń jaǵdaıy qanaǵattanarlyq.
Baılanysta bolǵan tulǵalar anyqtalyp, stanıonarlyq karantınge jatqyzylǵan.
Osylaısha Qazaqstanda qaýipti vırýstan qaıtys bolǵandar sany 8-ge jetti.
Elimiz boıynsha koronavırýs indetin juqtyrǵan taǵy 17 jaǵdaı tirkelgeni habarlanyp otyr.
Almaty qalasy - 1,
Aqmola oblysy - 4,
Pavlodar oblysy - 2,
Qyzylorda oblysy - 8,
Nur-Sultan qalasy - 2.
Qazaqstan boıynsha barlyǵy 781 jaǵdaı.
