1) Toıhana salamyn dep júrgen tanysymnyń oıy kúrt ózgerdi. Endi tym bolmasa shulyq-dambal shyǵaratyn shaǵyn kásiporyn ashamyn dep júr eken.
2) Erke Esmahan sııaqty ánshi bolamyn deıtin 7 synyptaǵy oqýshy qyz bala endi dáriger bolamyn dep júr deıdi.
3) "Kartop pen sábizdi egip ne qajeti bar, dúkennen satyp ala salmaımyz ba" deıtin aýyldaǵy aǵaıyndar bıyl jer jyrtyp kartop, qyzylsha, sábiz ósirýge daıyndalyp otyr eken.
4) Elbasynyń sózin mazaqqa aınaldyrǵan keıbir jigitter, endi qorasyna asyraýǵa 2-3 sıyrdan satyp ala bastapty.
5) "Toı júrgizip úıretińizshi dep" qyr sońymnan qalmaı júretin bir baýyryma "kran nemese býldozer júrgizip úırengeniń qaıyrlyraq bolady" dep aqyl aıttym.
6) "Ókimetke jumys istemeımin, odan da taksı júrgizgenim artyq" deıtin jigitter turaqty jalaqysy bar jumys izdeı bastaǵan kórinedi.
7) Áıelderi as úıde kúıeýlerine "qolyńdy jýýdy umytpa" dep jıi ótinbeıtin bolypty deıdi.
8) Bıyl adamdardy jáı tumaýdyń ózi aınalyp ótipti desedi.
9) Shańyraq kótergen jastar kýálarmen birge baryp nekege otyryp, toılar úıdiń ishinde nemese aýlada jaqyn aǵaıyndarymen jıylyp quda kútýmen ǵana aıaqtalyp jatyr eken.
10) Janazaǵa jıylǵan adamdar marqumǵa topyraq salyp, Quran baǵyshtap, zııarat basynan tarqasatyn bolypty. Úıge et jaqyndary ǵana jınalyp hatym túsirip, dastarhan jaıady eken.
11) Adamdar bet súıisti doǵaryp, bir-birne jyly qabaqpen ǵana izet tanytyp amandasa bastapty.
Taǵy qandaı ózgerister baıqadyńyzdar?
Ermek Qurmanǵalıteginiń Feısbýk paraqshasynan
