BAIDYŃ MALYN BAIQUS QYZǴANADY nemese ALMATYDAǴY JUQPALY AÝRÝLAR AÝRÝHANASYNAN TAǴY DA ShÝ ShYQTY
QR Prezıdenti Q. Toqaevtyń Tótenshe jaǵdaı kezeńin qamtamasyz etý Memlekettik komıssııasyna koronavırýspen kúres júrgizip jatqan medıına qyzmetkerleriniń jalaqysyna ústeme aqy tóleý týraly bergen tapsyrmasyn estigende qýanyp qalǵanbyz. Sebebi, bizdiń bárimiz úıde tyǵylyp otyrǵanda aty jaman indetpen alǵy shepte alysyp jatqan solar bolǵandyqtan, eńbekteri eskerilse deısiń ǵoı.
Sol maqsatpen, buǵan deıin I.Jekenova atyndaǵy Almaty qalalyq juqpaly aýrýlar aýrýhanasy qyzmetkerleriniń «Otyrar» qonaqúıine ornalasqanymen, olardyń tamaqpen, arnaıy kólikpen qamtylmaǵany jabyla kótergenniń arqasynda ǵana ondaǵy 60 astam qyzmetker úsh mezgil tamaqpen jáne avtobýspen qamtylǵan bolatyn.
Endi búgin taǵy shý shyǵyp otyr. Atalǵan aýrýhananyń aýrýlarmen tikeleı jumys jasap, test alatyn laborotorııasy men vırýstarmen tikeleı jumys jasaıtyn bakterııalyq laborotorııasynyń qyzmetkerleri memlekettik komıssııa bekitken ústemaqydan qaǵylyp otyr eken! Tipti, qalany karantınge japqanǵa deıin, aýrýlardyń bárin qala syrtyndaǵy týberkýlez dıspanserleri sekildi oqshaýlaý ortalyqtarynda ustaǵan kezden bastap, tynbastan óz aıaqtarymen baryp synama alǵan bul qyzmetkerler áli kúnge deıin tynbastan naýqastarmen jáne vırýspen tikeleı kontaktide bolyp keledi.
Bul degenińiz – NONSENS qoı! Sonda, vırýs juqtyrdy degen kúdikpen aýrýhana ákelinetin árbir adamnyń dıagnozyn anyqtaýmen tikeleı aınalysatyn dárigerlerge bermegende, kimge bereıin dep otyr ol ústemaqyny?!! Álde jumystarynyń qaýiptiligin bildirý úshin de bir-eki qyzmetker álgi indetti juqtyrýy qajet pe (beti aýlaq)? Jalpy osy ALA QOIDY BÓLEK QYRQÝ KIMGE KEREK BOLYP OTYR?!!
Tipti, qajet bolsa, árbir qaladaǵy qazirgi tańda koronavırýspen tikeleı kúresip jatqan juqpaly aýrýhanalardyń (ınfekıonnye bolnıy) árbir qyzmetkeri bul ótemaqydan qur qalmaý kerek dep esepteımin. Sebebi, Alla saqtasyn, eger eldegi jaǵdaı kúrt nasharlasa, siz ben bizdiń, jaqyndarymyzdyń janymyzǵa arasha bolatyn solar jáne olar elimiz boıynsha sonshalyqty kóp te emes. Bul máseleni jan-jaqty kóterip, barynsha tarataıyq, dostar!
Nuraddın Sadyqov
