Reseı ǵalymdarynyń zertteýinshe, koronavırýsty «tejeýge» qabiletti ystyq jáne qurǵaq aýa raıy maýsymnyń basynda bolady. Sondyqtan Reseı oqymystylary «vırýstyń tolyq joıylyp ketýi úshin maýsymnyń aıaǵy men shilde aıyn kútý kerek» dep otyr. Gıdrometortalyǵynyń ǵylymı jetekshisi Roman Vılfand RIA Novostı saıtyna bergen suhbatynda osylaı degen.
«Eger 25-28 temperatýra týraly aıtatyn bolsaq, ol eýropalyq aýmaqtyń ońtústiginde jáne Azııadan maýsym aıynyń basynda klımat málimetteri boıynsha ornatylady. Biraq klımat boıynsha kúnniń qatty ysıtyn kezi shilde aıynyń basy»,-deıdi sınoptık.
Onyń bul pikirin bıologııa ǵylymdarynyń doktory, GMU (AQSh) júıelik bıologııa mektebiniń professory Ancha Baranova da qýattap otyr.
«Jer betinde qatty ystyq bolǵanda vırýs tejeledi. Ylǵaldy salqyn temperatýda vırýstyń saqtalýy úsh kún bolsa, ystyq aýa raıy kezinde ol jerde úsh saǵat «otyrýy» múmkin. Mine, osynyń arqasynda juqtyrǵandar sany azaıady. Vırýs maýsym, shilde aıynda tejelýi kerek», - deıdi Baranova.
Alaıda ıtalıandyq vırýsolog Roberto Býrıonı jazda pandemııa jylyný saldarynan quldyraýy múmkin degen mıfti joqqa shyǵaryp otyr. Maman vırýspen kúreste keıbir memleketter engizgen shekteý sharalary ǵana tıimdi ekenin atap ótti. Sondyqtan "jazda vırýs ketedi",-dep arqany keńge salýǵa taǵy bolmaıdy
