Qaraǵandyda Mınskiden kelgen ushaqtyń jolaýshylary úılerine qaıtaryldy.
Koronovırýs juqtyrǵan eki jolaýshyǵa jaqyn otyrǵan jolaýshylar ǵana karantınde qalǵan.
Qaraǵandy jurtyn keseldiń eki adamnan belgili bolǵandyǵy jónindegi aqparat dúr silkindirdi. Koronovırýs syrqatyn juqtyrǵan 1971 jylǵy jáne 1972 jylǵy eki azamat. Olar Qaraǵandy turǵyny emes. Bul 18 naýryzda Mınskiden kelgen ushaqtan túsken jolaýshylar. Densaýlyq saqtaý salasynyń mamandary "Qaraǵandy qalasyna kesel ótken joq " dep otyr.
" Mınsk - Nur - Sultan baǵytymen kele jatqan ushaq Qaraǵandyǵa qonǵan. Óıtkeni bir mezette Astanaǵa úsh halyqaralyq reıs kelip qonǵandyqtan , osynda ushaqty qondyrýǵa sheshim qabyldandy. Búginde ushaq jolaýshylarynyń ishinde ekeýiniń vırýsologııalyq saraptama qorytyndysyna saı , keseldi juqtyrǵany anyqtaldy. Jolaýshylardy birden ushaqta tekserip , oqshaýlaý úshin provızorlyq mekemege jetkizdik. Bul jolaýshylar qala turǵyndarymen aralasqan joq. Qazir kesel juqtyrǵandar juqpaly aýrýlar bóliminiń jeke palatasyna aýystyrylǵan " , - dep málimdedi Qaraǵandy oblysynyń densaýlyq saqtaý basqarmasynyń bastyǵy Erjan Nurlybaev .
Ázirge mamandar Qaraǵandy qalasynda karantın jarııalanbaıdy deıdi. Sonymen qatar óńirde balabaqshalar jumystaryn toqtatqan joq. Aýqymy eki myń sharshy alańnan asatyn iri saýda oryndary jabylǵan, munda tek azyq - túlik satatyn oryndarmen dárihanalar ǵana ashyq tur. Densaýlyq saqtaý basqarmasynyń habarlaýynsha, Mınskiden kelgen ushaqta bolǵan jolaýshylar aýrýdy anyqtaıtyn testileýden ótken soń úılerine bosatylǵan. Tek karantınde kesel juqtyrǵan jandarmen aralasqandary ǵana qalypty. Búginde oblys joldarynda alty bólikke sanıtarlyq beket qoıylǵan. Bul jerde Qaraǵandyǵa baǵyt alǵan jolaýshylardyń densaýlyǵy tekseriledi, eger dene qyzýy kóterilgender bolsa dárigerlerdiń qolyna tapsyrylady. Keshe túnde osy sanıtarlyq beketterde eki myń kólik toqtatylyp tekserýden ótken eken.
Araılym Erkebaeva
