Almaty ákimi Baqytjan Saǵyntaev qala mekemelerin megapolıste karantınniń engizilýine baılanysty qashyqtyqtan jumys isteýge shaqyrdy.
"Búgin qalanyń memlekettik mekemeleriniń qyzmetkerlerin, kásiporyndar, mekemeler men uıymdardyń basshylaryn óz eńbek ujymdarynyń 70 paıyzyna deıin qashyqtyqtan qol jetkizýge jáne qashyqtyqtan jumys túrine aýystyrýǵa shaqyramyn", - dedi ákim. Onyń aıtýynsha, karantın 19 naýryz kúni saǵat 00-den bastap engiziledi.
Buǵan deıin belgili bolǵandaı, karantın rejımi Nur-Sultanda da engizilýde. Mundaı sheshimdi Prezıdent janyndaǵy tótenshe jaǵdaı rejımin qamtamasyz etý jónindegi memlekettik komıssııa qabyldady. Ol Astana men Almatyda COVID-19 taralýynyń asqynǵan jaǵdaıyn eskere otyryp, sondaı-aq Qazaqstannyń basqa qalalaryna koronavırýstyń taralýynyń aldyn alý maqsatynda qosymsha sharalar engizedi.
