AQSh-ta koronavırýsqa qarsy vakına synaǵy bastalady

2291
Adyrna.kz Telegram

16 naýryzda AQSh-ta koronavırýsqa qarsy vakına synaǵy bastalady. Bul týraly AQSh úkimetine silteı otyryp, «Amerıka daýysy» habarlady.

Sıetldegi Kaiser Permanente Washington Health Research zertteý ortalyǵynda ótetin synaqty AQSh ulttyq densaýlyq saqtaý ınstıtýttary qarjylandyrady.

Synaq 18 ben 55 jas aralyǵyndaǵy, óz erkimen kelisim bergen 45 saý adamǵa jasalady. Olarǵa ulttyq densaýlyq saqtaý ınstıtýttary men Moderna kompanııasy jasaǵan preparattardyń ártúrli dozasy egiledi. Eriktilerge aýrý juqpaıdy, óıtkeni preparat quramynda vırýs joq. Test maqsaty - vakınanyń qosymsha saldary qandaı ekenin anyqtaý. Bastapqy synaqtan soń aýqymdy synaq bastalady.

Sáýir aıynda Pensılvanııa ýnıversıteti men Kanzas-sıtı synaq ortalyǵynda amerıkalyq Inovio Pharmaceuticals kompanııasynyń koronavırýsqa qarsy jasaǵan vakınasy synalýy múmkin. Bul synaqqa da ondaǵan erikti adam tartylady.

Qazir álemde ondaǵan zertteý ınstıtýty koronavırýs ınfekııasyna qarsy vakına jasaýmen shuǵyldanyp jatyr. Buǵan deıin Dúnıejúzilik densaýlyq saqtaý uıymy koronavırýsqa qarsy alǵashqy vakına kem degende alty aıdan soń paıda bolýy múmkin degen edi. Alaıda aqpan aıynyń sońynda Qytaıdyń Reseıdegi konsýly vakına qazirdiń ózinde daıyn ekenin, biraq qosymsha tekseris qajettigin málimdegen.

"Azattyq" radıosy

Pikirler