Aqordanyń resmı saıtynda "Áleýmettik-ekonomıkalyq turaqtylyqty qamtamasyz etý jónindegi sharalar týraly" jarlyqtyń mátini jarııalandy
NUR-SULTAN, 16 naýryz – Sputnik. Qazaqstan prezıdenti Qasym-Jomart Toqaev daǵdarys jaǵdaıy kezinde zańnamalyq aktilerge ózgerister men tolyqtyrýlar engizýge qatysty úkimetke birqatar tapsyrma berdi, dep habarlaıdy Sputnik Qazaqstan.
Resmı málimetke sáıkes, osy qujat Konstıtýııanyń 44-baby men "Qazaqstan Respýblıkasynyń Prezıdenti týraly" konstıtýııalyq zań negizinde qabyldandy.
Negizgi maqsat - halyqtyń ómiri men densaýlyǵyna, konstıtýııalyq qurylysqa, qoǵamdyq tártipti saqtaýǵa, memlekettik apparattyń turaqty jumys isteýine qaýip tóndiretin nemese tóndirýi múmkin daǵdarysty jaǵdaılar kezinde memlekettik basqarý deńgeıleri arasyndaǵy ókilettikterdi ajyratý.
Osylaısha, Qazaqstan prezıdenti memlekettiń ishki jáne syrtqy saıasatynyń negizgi baǵyttaryn aıqyndaıtyn, el ishinde jáne halyqaralyq qatynastarda Qazaqstan atynan ókildik etetin joǵary laýazymdy tulǵa retinde áleýmettik-ekonomıkalyq salada kelesi máseleler boıynsha ózgeshe tártippen memlekettik organdarǵa tapsyrma berýge nemese tıisti aktilerdi qabyldaýǵa quqyly:
- Qazaqstan Respýblıkasynyń Konstıtýııasynda rettelgen máselelerdi qospaǵanda, memlekettik organdar men kvazımemlekettik sektor sýbektilerinniń qyzmeti jáne olardy uıymdastyrý jumysy;
- salyq salý, memlekettik bıýdjetti qalyptastyrý, naqtylaý jáne paıdalaný;
- halyqtyń jáne ekonomıkanyń úzdiksiz tynys-tirshiligin qamtamasyz etý úshin qajetti taýarlardy ákelý jáne áketý;
- memlekettik menshikti basqarýdy uıymdastyrý;
- eńbekaqy tóleý, azamattardyń áleýmettik qorǵalýy, memlekettik áleýmettik jáne medıınalyq qamtamasyz etý, medıınalyq jáne áleýmettik saqtandyrý júıesi men sharttaryn qalyptastyrý;
- shekti tarıfterdi jáne halyqtyń jáne ekonomıkanyń úzdiksiz tynys-tirshiligin qamtamasyz etý úshin qajetti azyq-túlik pen basqa da taýarlarǵa baǵalardy belgileý;
- baqylaýdy jáne qadaǵalaýdy júzege asyrý;
- lıenzııalaý, ruqsattar jáne habarlamalar;
- memlekettik satyp alýdy júzege asyrý;
- quqyq tártibin qamtamasyz etý;
- qarjy naryqtary men qarjy uıymdary;
- eldiń halyqaralyq mindettemelerin iske asyrý;
- monopolııaǵa qarsy zańnama jáne básekelestikti qorǵaý;
- QR Konstıtýııasy, Qazaqstan prezıdenti men úkimetiniń aktileri jáne zańdarynda qarastyrylǵan ózge de fýnkııalar men baǵyttardy júzege asyrý.
Memleket basshysy úkimetke bir aıdyń ishinde zańnamalyq aktilerge osy jarlyqty iske asyrýǵa, sonyń ishinde qajet bolǵan kezde ózge de fýnkııalardy qaıta bólýge baǵyttalǵan ózgerister men tolyqtyrýlardy engizýdi kózdeıtin zań jobasyn májilistiń qaraýyna engizýdi tapsyrdy.
